mércores, 3 set 2003
O presidente da República de Namibia, Sam Nujoma, acompañado do ministro de Pesca, Abraham Iyambo, inicia o xoves en Vigo unha visita de catro días, nos que o mandatario terá oportunidade de achegarse a algunhas das empresas máis destacadas da cidade. O alcalde, Ventura Pérez Mariño, o conselleiro de Pesca, Enrique López Veiga, e o delegado do Goberno en Galicia, Arsenio Fernández de Mesa, recibirán ao xefe o Estado namibio e ao seu séquito pola tarde, no aeroporto de Peinador.
martes, 2 set 2003
O Arquivo Municipal pon a disposición do público a colección completa e dixitalizada de Faro de Vigo. Desde este mes de setembro, todos aqueles cidadáns que así o desexen poderán consultar nas dependencias municipais os exemplares deste diario comprendidos entre o 3/11/1853 ata o 31/12/99.
mércores, 30 xul 2003
O Museo do Mar, entidade que xestiona a Fundación Consorcio da Zona Franca de Vigo, acollerá ata o 19 de outubro unha mostra de pintura de tema mariñeiro. Nela escólmanse grandes obras e autores da pintura galega contemporánea: Laxeiro, Castelao, Lloréns...
mércores, 23 xul 2003
Pérez Mariño, visitou esta mañá as instalacións dos Viveiros Municipais do Castro, acompañado polas concelleiras de Parques e Xardíns e Persoal, María Xosé Porteiro e María Luisa Graña, respectivamente, e máis un técnico municipal. O alcalde coñeceu personalmente a superficie que se utiliza para facer acopio das árbores, arbustos e vivaces que posteriormente se plantan nos parques de O Castro, Castrelos ou A Guía.
venres, 18 xul 2003
O alcalde, Ventura Pérez Mariño, presentou o acto protocolario para a tradicional celebración do Día de Galicia no parque de Castrelos. Como novidade, este ano serán os voceiros dos grupos municipais os que lles darán a benvida aos convidados.
luns, 14 xul 2003
O alcalde, Ventura Pérez Mariño, e o concelleiro de Vías e Obras, Xavier Toba, acompañados por técnicos municipais e ministeriais reuníronse na Coruña co delegado e subdelegado do Goberno co obxectivo de buscarlles solucións aos problemas de abastecemento de augas que poderían derivarse das obras do segundo cinto na parroquia de Beade.
xoves, 10 xul 2003
O alcalde de Vigo, Ventura Pérez Mariño, visitou as instalacións da nova residencia para persoas maiores de Bembrive, acompañado por dous técnicos municipais, para coñecer persoalmente as obras que deben realizarse con urxencia para que o centro poida entrar en funcionamento o antes posible.
martes, 8 xul 2003
O alcalde de Vigo, Ventura Pérez Mariño, preside a entrega de premios "Automóbiles do ano en Galicia 2003" nun acto celebrado no Club Financeiro de Vigo.
martes, 8 xul 2003
O alcalde, Ventura Pérez Mariño, e o concelleiro de Tráfico, Xulio Calviño, visitaron as obras realizadas polo paso soterrado no Troncal, á altura da construcción do novo centro comercial Carrefour.
xoves, 3 xul 2003
O alcalde de Vigo, Ventura Pérez Mariño, convocará de forma inmediata os membros interesados en conformar a área metropolitana, para o que será necesaria unha vontade política de cara a impulsar esta entidade intermunicipal baseada en criterios fundamentalmente socioeconómicos. Pérez Mariño tomou esta decisión no transcurso da entrevista co presidente da Xunta de Galicia, Manuel Fraga.
