A veciñanza de Bouzas poderá gozar dunha nova praza, neste caso, situada entre as rúas Covadonga e Tomás Alonso. Ademais de favorecer o tránsito peonil, oferta unha nova zona de paseo.
A Xerencia de Urbanismo iniciará o próximo martes a tramitación do Plan Especial do Ensanche o que permitirá abordar a planificación urbanística para a protección e rehabilitación do ámbito. Nesa mesma reunión, licitarase a construción de 27 vivendas protexidas en Tomás Alonso.
O alcalde deu conta da concesión de licenza para a construción dun edificio de 5 vivendas no Casco Vello. A Xerencia de Urbanismo outorgou ao Consorcio a autorización para a reforma de catro edificios situados nos números 8, 10, 12 e 14 da rúa Alta. O orzamento de execución é de 971.320 euros.
Abel Caballero explicou que o ente municipal está “iniciando os procesos e expedientes para adquirir inmobles do mercado libre que se poidan incorporar ao parque público de vivendas de alugueiro”.
O Concello autoriza a Zona Franca a demolición de cinco construcións no Parque Tecnolóxico e Loxístico para gañar 1.661 novos metros cadrados.
O alcalde anunciou hoxe que o Concello avanza nas axudas para mellorar a eficiencia enerxética de vivendas de 12 barrios, enmarcadas no programa “Espazo Residencial de Rehabilitación”. Xa se beneficiaron 246 vivendas -cunha subvención media de 12.000 euros – e a vocación municipal é alcanzar as 400 vivendas rehabilitadas.
O alcalde deu conta esta mañá dos avances nos convenios que permitirán semipeonalizar a Praza de España e construír nos solares baleiros. Na Xerencia de Urbanismo do martes que vén darase conta dos avance nesa tramitación.
O alcalde avanzou unha suba dun 12% nas contas da área de Urbanismo de cara ao que ano que vén, cunha cifra que alcanza os 11,7 millóns. A vivenda será o eixo fundamental deste orzamento, tal e como explicou Abel Caballero.
Caballero censurou esta mañá a “lentitude” coa que a Xunta está a tramitar o proxecto urbanístico do Ofimático no que non se vai construír a primeira vivenda ata dentro de 15 anos. Ademais, segundo a documentación presentada pola administración autonómica, a previsión é priorizar a vivenda libre, en contra das directrices do PXOM.
O obxectivo é promover e facilitar o acceso á vivenda na cidade, especialmente para a xente nova. A empresa contará cun capital inicial de 4,5 millóns de euros, destinados á promoción de vivenda con protección pública, tanto en réxime de alugueiro como de venda, e tamén á rehabilitación de inmobles.