A Xerencia de Urbanismo deste martes deu conta ao Consello da aprobación da primeira licenza de obra do Barrio do Cura que prevé a construción 107 vivendas, das que unha trintena estarán suxeitas a algún réxime de protección pública.
Abel Caballero celebra que a Xunta de Galicia emitira onte o informe favorable do expediente de avaliación ambiental estratéxica do documento “aínda que chegue tarde e nos atrasara 13 meses” de traballo.
A corporación deu luz verde á aprobación definitiva do Plan Especial da UE II-04 Industrial de Santo André de Comesaña cos votos favorables do Grupo Socialista e a abstención da oposición.
A Xunta de Goberno aprobou a licitación cun importe de case 400.000 euros para a iluminación do Monte da Guía. O alcalde tamén deu conta da aprobación definitiva á urbanización dos polígonos 2A e 2B do Plan Parcial de Navia que albergará novas vivendas e para o que o goberno local reclama un novo instituto.
O alcalde acudiu á presentación dos 38 proxectos presentados ao concurso de ideas posto en marcha polo CSIC para a construción do novo Instituto de Investigacións Mariñas na ETEA, en Teis. Abel Caballero felicitou aos gañadores, os estudos navarros Pereda Pérez e MRM, e louvou a acción que se está a desenvolver neste ámbito: "Todos e todas xuntos seguiremos facendo da ETEA un ámbito de investigación mariña de ámbito mundial. A ETEA é un espazo para as persoas, Vigo vivirá aquí dentro", concluíu na súa intervención. Caballero quixo agradecer ao Ministerio de Ciencia, encabezado por Diana Morant, a súa implicación con este proxecto e a aposta polo sector marítimo e a investigación en Vigo. Ao acto acudiron representantes do CSIC, o arquitecto británico David Chipperfield e outros representantes do sector, así como os participantes no concurso de ideas e outras autoridades.
Como avanzou Abel Caballero tras a aprobación do convenio en Xunta de Goberno Local, será o Concello quen execute as obras e o novo titular do tramo unha vez rematadas as mesmas. O Ministerio xa está redactando o proxecto correspondente para adaptar as súas características ao ámbito urbano no que se sitúa.
O Concello vén de recibir informes favorables ao PXOM da Axencia Galega de Infraestruturas e Patrimonio. Estes documentos son positivos a pesar de incluír algúns condicionantes menores que o goberno local solventará de inmediato para remitir toda a documentación á Consellería de Medio Ambiente e conseguir o antes posible a Declaración Ambiental Estratéxica. A previsión é aprobar o documento de xeito provisional este mesmo ano.
Abel Caballero deu conta esta mañá de que será a Xerencia de Urbanismo a que executará os 6.400.000 de fondos europeos Next Generation EU provenientes do Goberno de España. Estes fondos están adicados para a rehabilitación e eficiencia enerxética en edificios.
A Xunta de Goberno Local deu luz verde tamén á contratación das obras de humanización da rúa Teixugueiras, entre Lamelas e o acceso peonil ao barrio e Navia desde a VG-20.
A Xerencia de Urbanismo aprobará o martes a firma do convenio para investir 6,4 millóns de euros de fondos europeos para a mellora da eficiencia enerxética en edificios en 14 barrios de Vigo.