A iniciativa saíu adiante con 18 votos a favor do PSOE e 8 en contra de PP e BNG, sen abstencións. O rexedor censurou que ambas formacións votasen “en contra de que a Xunta e a Deputación apoien os voos no aeroporto de Vigo” e contrapuxo esta posición ao financiamento que, segundo sinalou, recibe o aeroporto de Santiago por parte do Goberno autonómico.
O alcalde anunciou hoxe que a aprobación no Pleno da empresa que xestionará directamente o servizo público de vivenda “é o principio da actuación municipal, porque seguiremos potenciando e actuando tanto neste mandato como nos seguintes”. O acordo foi aprobado cos 19 votos do grupo municipal socialista e a abstención dos oito edís do PP e do BNG.
A nova norma, que saíu adiante coa oposición do PP e do BNG, facilitará o acceso, estacionamento e circulación dos vehículos nas catro zonas reguladas: o centro da cidade, a Praza de Portugal, Bouzas e O Calvario.
O Pleno deste mes de xullo deu luz verde á moción socialista para que o Goberno autonómico asuma as súas obrigas e garanta o abastecemento de auga do sur da provincia de Pontevedra. Amais, quedou aprobada unha moción para esixir á Xunta que cumpra co Servizo de Axuda no Fogar.
A Corporación municipal aprobou, cos 21 votos favorables do PSOE e do BNG e os 5 votos en contra do PP, unha moción que reclama á Consellería de Sanidade a creación de novos Puntos de Atención Continuada na cidade e o cesamento do conselleiro de Sanidade. O Pleno deu luz verde, coa mesma votación, a unha segunda iniciativa sobre a implantación de novos ciclos de Formación Profesional Básica nos centros públicos vigueses.
O Goberno municipal levará ao Pleno do mes de xullo a proposta para fixar os dous días festivos do vindeiro ano, coincidindo coa Reconquista e San Roque.
O Pleno aprobou este luns a moción do grupo socialista que reclama ao Sergas a cobertura “inmediata” e “total” de todas as prazas vacantes neste verán dos profesionais de Atención Primaria. “Vigo necesita unha Atención Primaria forte e non máis improvisacións”, defendeu a edil socialista Elena Espinosa.
A moción saíu adiante cos únicos votos do equipo de goberno. PP e BNG votaron en contra.
Os corporativos denunciaron no Pleno deste luns o trato desigual que aplica a administración galega aos equipos de Vigo e A Coruña que necesitan apoio económico para participar nas fases de ascenso da máxima categoría. Mentres o Leyma recibiu 150.000 euros, o Celta de Vigo de baloncesto feminino non contou co apoio económico da consellería de Deportes, fronte aos 45.000 euros achegados polo Concello de Vigo.
O Pleno aprobou esixir ao Goberno autonómico que financie, como mínimo, o 50% do servizo de socorrismo así como unha achega extraordinaria para reparar os danos provocados polos temporais. Tamén se aprobou instar á Xunta a reforzar e fortalecer o investimento no ensino público da cidade.