O alcalde participa na entrega de alimentos da Federación de Peñas El Olivo

mércores, 20 dec 2023

Abel Caballero achegouse este mércores en Coia ás instalacións da Asociación de Veciños Cristo da Victoria, onde participou na entrega dos alimentos recollidos pola Federación de Peñas Recreativas El Olivo ao Banco de Alimentos. No acto estiveron presentes membros da Federación, encargada de recoller produtos de alimentación para as familias que o precisan, así como Iván Martínez, presidente do Banco de Alimentos de Vigo e a presidenta da Asociación Veciñal, Marisol Polo.

A Rúa Príncipe renderá homenaxe aos folguistas do 1972

xoves, 29 set 2022

O Concello inaugura esta tarde a exposición da Folga Xeral do 1972 que estará no centro da cidade "para amosar un acontecemento histórico en Vigo", manifestou o rexedor en rolda de prensa. Imaxes de recortes de prensa de Vigo e outros tantos lugares encherán os paneis da representación gráfica. Abel Caballero expuxo que o obxectivo e render homenaxe ás persoas que participaron na folga "porque foi una gran mobilización sindical, social e política contra a ditadura". O alcalde deu a coñecer que estivo presente nas folgas de Santiago, cando era estudante de 5º de carreira e delegado do curso, e lembrou que foi detido, xulgado por un tribunal político por actividade política e que estivo dous anos no exilio.