O Concello de Vigo súmase á loita contra o cancro de mama

xoves, 17 out 2019

O alcalde de Vigo sumouse este xoves aos actos da Asociación Española contra o Cancro en Vigo para visualizar o apoio ás vítimas e as súas familias. O colectivo instalou unha mesa informativa no Farol de Urzaiz e organizou diferentes iniciativas. Ademais, o Concello xa ten instalados dous colectores rosas na Porta do Sol para reciclaxe de vidro.

O alcalde esixe que a Xunta devolva a Vigo as 300.000 cartillas sanitarias derivadas a Santiago

martes, 13 ago 2019

O Sergas adoptou esta decisión en 2014 e asegurou entón que era temporal, "e a provisionalidade leva cinco anos", denunciou Abel Caballero, quen recordou que a redución da poboación de referencia ten implicacións orzamentarias e de formación. O xefe de servizo de Cirurxía Pediátrica asegurou que Vigo está capacitada para asumila e considerou que a decisión foi "política".

A ausencia de proxecto construtivo obriga á Xunta a pedir unha prórroga da licenza de obras do Centro de Saúde de Bouzas

mércores, 26 xuñ 2019

O Concello vén de recibir unha solicitude por parte da Xunta para prorrogar a licenza de obras do centro de atención primaria de Bouzas porque aínda non entregou o proxecto executivo. Deste xeito, confírmase, como xa denunciara o rexedor, que o Goberno autonómico non ten intención de iniciar esta construción en xuño, tal e como anunciou en período electoral.