O alcalde participou na presentación do evento que se desenvolverá do 12 ao 14 de maio na zona peonil da rúa Urzáiz. A cidade recibirá a autores de gran proxección e renome internacional.
Co obxectivo de seguir a fomentar a creatividade e as habilidades artísticas entre a mocidade viguesa, Vigosónico volverá abrir as súas portas a partir de mañá, unha vez asinado o contrato coa empresa adxudicataria. Esta instalación municipal permanecerá aberta de martes a domingo, entre as 16,30 e as 21,00 h.
O hall do Auditorio Mar de Vigo amosa deste este mércores vinte e tres novas pezas escultóricas do artista Sergio Portela, que brinda unha perspectiva persoal e íntima da sexualidade e a sensualidade cunha mostra na que destaca a estatua dunha muller embarazada. Caballero felicitou a Portela pola beleza e espectacularidade das pezas así como polo traballo desenvolvido ao longo da súa traxectoria artística. A exposición “O impulso de Eros” poderá visitarse ata o vindeiro 27 de xullo.
O Auditorio Mar de Vigo acollerá o espectáculo, que triunfou en Madrid e Barcelona, do 19 ao 21 de maio. “Vigo merécese un espectáculo de tan alta calidade e será todo un éxito”, augurou o rexedor.
A Sociedade Jules Verne de Vigo acaba de ser designada como organizadora do encontro, unha decisión que lle trasladaron este venres ao alcalde, nunha reunión na que deron conta do resultado dun estudo no que recollen mencións sobre a cidade, ata agora descoñecidas, nas obras do autor francés.
O Museo MARCO contará ata o 24 de setembro coa exposición do barcelonés Lluís Lleó que, baixo o título "Pittore", presenta un proxecto que reúne unha mostra da súa obra nos últimos anos. Abel Caballero louvou a importancia desta mostra durante a súa inauguración, na que estivo acompañado do autor; do concelleiro de Cultura, Abel Losada; da comisionaria da obra, Rosa Gutiérrez e polo director do MARCO, Miguel Fernández-Cid.
O alcalde deu conta do inicio da contratación dos itinerarios formativos que se desenvolverán no novo Centro de Formación da rúa Alta a partir do mes de xuño. Tamén se aprobaron subvencións ao deporte e a cultura.
Vigo adiántase á conmemoración do 23 de abril da man do grupo de voluntariado do Concello que organizou unha lectura pública de fragmentos de libros de grandes nomes da literatura como forma de render renderlles homenaxe no Día do Libro. O rexedor participou no acto desenvolvido na Porta do Sol coa lectura da primeira cantiga de Martín Códax.
O alcalde participou na inauguración da exposición “Fragmentos de onte”, das bodegas Martín Códax na sede de Afundación, un percorrido visual da fotógrafa americana Ruth Matilda Anderon, que afonda na vida cotiá de Galicia a través dunha serie de imaxes que captan as diferentes profesións máis artesanais. Amais, acompañan a exposición fotográfica manequíns que recrean a vida en Galicia nos anos 20. Abel Caballero louvou a acción cultural por parte da cooperativa vitivinícola, que comercializa unha edición especial do seu albariño cunha das fotografías tomadas pola fotógrafa. A exposición estará na sede de Afundación de Vigo ata o 10 de xuño.
Abel Caballero avanzou en rolda de prensa este luns que a conmemoración desta efeméride será o 20 de abril coa lectura de textos de Fernández del Riego, Octavio Paz ou Martín Códax.