A exposición "Pinceladas do esquecemento. Artistas viguesas no século XIX" arrinca na Pinacoteca Fernández del Riego

venres, 28 xul 2023

O rexedor achegouse esta mañá a inauguración da exposición, que ten como obxectivo recuperar e visibilizar a produción artística de Elina Molins e Blanca Chao, ás que Caballero quere render homenaxe a través de dúas rúas que leven os seus nomes, xa que como destacou "a cultura acaba de recuperar a obra de dúas artistas que estiveron ocultas durante anos. Os seus nomes estarán nas rúas da cidade como a de tantos artistas masculinos". No acto estivo acompañado pola tenente de alcalde, Carmela Silva, e polo concelleiro de Cultura, Gorka Gómez; así como polo comisario da exposición, José Luis Mateo, e familiares das pintoras.