Pescanova e o Centro Comercial Travesía de Vigo presentan o primeiro mundial para comer langostinos. O “I Mundial Rodolfos come-langostinos por parellas” é unha iniciativa de carácter benéfico en favor da Fundación Provincial Banco de Alimentos de Vigo: por cada langostino que os participantes logren comer, Pescanova doará un quilo de peixe.
O alcalde presentou este martes en rolda de prensa a celebración que organiza Aetravi e que financia o Concello. Terá lugar este sábado, 31 de decembro, coas badaladas do reloxo do IES Santa Irene e cinco horas de música ininterrompida.
Abel Caballero asistiu este martes á sinatura do protocolo de cesión dun local no Centro Comercial Vialia ao Corpo Nacional de Policía, que foi rubricado por Teresa Verdugo, directora xeral de Nhood España e por Ramón Gómez Nieto, xefe superior de Policía de Galicia. O rexedor destacou a "gran cooperación entre as forzas de seguridade", que contribúe a "cohesionar a cidade" e referiuse á nova oficina como un "símbolo da presenza permanente para ofrecer confianza e seguridade". No acto estiveron presentes tamén o delegado do Estado na Zona Franca, David Regades; a subdelegada do Goberno en Pontevedra, Maica Larriba; o comisario xefe provincial de Pontevedra, Juan José Díaz; e o comisario xefe da Comisaría de Vigo-Redondela, Ramiro Gómez.
Abel Caballero participou este venres na inauguración da “fábrica da maxia” na que Papá Noel prepara os agasallos para as nenas e nenos da cidade “que se portaron moi ben este ano polo que deben recibir todo o que pediron”. Acompañaron ao rexedor a xerente de Travesía, Angélica Falagan, o concelleiro de Comercio, Ángel Rivas, e un grupo de escolares do CEIP Frián Teis que coñeceron a oficina postal, viron como se fabrican os regalos, subiron ao trineo e viviron unha morea de sorpresas durante o percorrido. A fábrica poderá visitarse do 9 ao 23 de decembro con reserva previa.
Abel Caballero deu conta da recepción doutros dous millóns de euros de fondos Next Generation EU que, nesta ocasión, servirán para financiar a rampla mecánica de Escultor Gregorio Fernández. Con esta achega, xa son 5 millóns os que outorgou á cidade o Ministerio de Industria, Comercio e Turismo.
A aplicación do Concello habilita, como cada ano por estas datas, unha sección específica con información de utilidade para coñecer a oferta completa do nadal vigués que experimenta neste 2022 “un éxito inconmensurable”.
Abel Caballero participou este venres na entrega de premios do Concurso de Fotografía organizado polo IES República Oriental do Uruguay, a ANPA do mesmo e o Centro Comercial Travesía de Vigo con motivo do Día Internacional da Eliminación da Violencia contra a muller. O alumnado da ESO recolleu en imaxes o que considera igualdade e as súas fotografías poden verse nas instalacións do centro comercial. O rexedor felicitounos polo traballo realizado e trasladoulles a importancia do respecto á muller e do respecto á igualdade.
O Concello recolleu o recoñecemento do Ministerio de Industria, Comercio e Turismo nunha gala celebrada en Guipúzcoa presidida pola ministra Reyes Maroto.
O alcalde informou do inicio da campaña de promoción das festas navideñas de Vigo a próxima semana coa presenza de carteis promocionais nos soportes de publicidade exterior de 390 cidades españolas e 4 portuguesas.
Abel Caballero e a directiva de Hipermercados Carrefour en Vigo mantiveron unha xuntanza para avaliar distintos temas de alimentación e o bo desenvolvemento da marca en Vigo. Tamén presentouse a campaña do Nadal e a súa situación actual na cidade, que pon de manifesto a boa relación entre ambas institucións.