O Concello súmase á celebración da xornada iluminando de verde e azul as fontes de Aragón co fin de visualizar unha enfermidade para a que aínda non hai cura, polo que as pacientes e as familias demandan máis investigación e atención para mellorar a calidade de vida das mulleres que a sofren.
A Xunta de Goberno de Vigo aprobou hoxe o contrato do servizo sanitario da Unidade Asistencial de Drogodependencias CEDRO. Cunha duración de dous anos, conta cun valor de 952.000 euros por exercicio, segundo avanzou hoxe o alcalde, que afirmou que ante o “manifesto incumprimento” da Xunta a asumir a atención sanitaria a persoas con adiccións que se presta en CEDRO, o Concello seguirá prestándoa. Entre os acordos tamén se atopa a renovación do tellado do albergue municipal.
O Concello investirá preto de 250.000 euros para realizar un estudo sobre os xardíns do Pazo de Castrelos que servirá como folla de ruta para o plan estratéxico de conservación deste Ben de Interese Cultural.
O rexedor vigués achegouse esta mañá a planta de Balaídos, xunto ao delegado do Goberno en Galicia, Pedro Blanco; ao delegado do Estado da Zona Franca de Vigo, David Regades, e ao subdelegado do Goberno en Pontevedra, Abel Losada. Foron recibidos polo director de Stellantis Vigo, José Luis Alonso, e outros membros da dirección da planta. Mantiveron un encontro no que comentaron os proxectos para mellorar a competitividade da planta e analizaron a situación do sector de automoción en Galicia e en España. Posteriormente, realizouse un percorrido polos principais talleres da planta.
O alcalde reuniuse coa directora xeral do SEPES, Leire Iglesias, na que abordaron a situación da vivenda en Vigo. Concello e Goberno de España cooperarán no desenvolvemento do parque de vivenda na zona de Barreiro e Santa Cristina de Lavadores. Unha vez aprobado o PXOM, o SEPES tamén colaborará na edificación e urbanización dos ámbitos dedicados a edificación residencial.
A fortaleza do Castro será escenario o vindeiro domingo 13 de outubro da primeira representación teatral do asedio de 1719 á vila de Vigo por parte da Armada inglesa. Enmárcase no programa de actividades co que o Concello avanza na posta en valor das recuperadas murallas, segundo recalcou este venres Abel Caballero. “Poñemos en valor a rehabilitación e a marabilla que son as murallas do Castro”, afirmou o alcalde.
Abel Caballero: “Petisquiño é un dos fitos fundamentais da cidade. Vigo é unha gran potencia turística”.
Vigo rexistrou o pasado mes de setembro o mellor dato de ocupación hoteleira da historia da cidade, cunha media de 84,3%. Os hoteis contabilizaron unha subida próxima ao 10% con respecto ao mesmo mes de 2023, segundo remarcou hoxe o alcalde.
Abel Caballero dirixiu hoxe unha “última advertencia” á Xunta co anuncio da reclamación pola vía contencioso-administrativa da gratuidade das nove escolas infantís municipais se Alfonso Rueda desatende o requerimento que lle enviará hoxe e mantén a desigualdade de trato con Vigo. O alcalde tamén avanzou que o goberno municipal acordou prorrogar en 2025 o contrato da xestión das escolas infantís municipais de Santa Cristina, en Lavadores, e Costeira, en Saiáns, por 538.000 euros.
O Concello adxudicou as obras de remodelación de Pereiró para dotar ao cemiterio cun espazo de enterramento ecolóxico de cinzas. “Imos facer un cemiterio-xardín onde as familias que o decidan poden facer unha cerimonia e un enterramento en terra con garantías ambientais”, explicou este venres Abel Caballero. "Queremos que as familias teñan en Pereiró un lugar onde realizar un enterramento das cinzas, nunha zona axardinada e urnas biodegradables”, afirmou o alcalde ao indicar que a nova zona contará cunha área para realizar cerimonias de despedida e rodeada de arborado.