mércores, 29 abr 2026
O alcalde asistiu á actuación do “Coro das emocións” organizado polo CEIP Plurilingüe García Barbón no Auditorio Municipal, unha iniciativa enmarcada no programa de educación responsable que o centro desenvolve desde hai tres anos. Caballero destacou o valor deste tipo de proxectos que, a través do canto coral, contribúen a fortalecer as competencias emocionais, sociais e creativas dos nenos e nenas.
martes, 28 abr 2026
Caballero lembrou hoxe a complexidade da transformación abordada polo Concello en 2016 para modernizar as instalacións dun mercado que “requiriu un investimento moi importante”.
martes, 28 abr 2026
O alcalde defendeu hoxe, ante os 350 expertos de 30 países que participan no IV Foro Galicia de Sostibilidade Global de Produtos do Mar: Responsabilidade e Impacto”, organizado pola Fundación de Nova Pescanova, que “Vigo é unha mostra extraordinaria de territorio que coida o mar”.
martes, 28 abr 2026
O auditorio Mar de Vigo acollerá o 6 e 7 de maio o foro de referencia da industria biotecnolóxica e das Ciencias da Vida do Espazo Atlántico Europeo. O encontro permitirá establecer contactos e sinerxías, xerar negocio e desenvolver novos proxectos e iniciativas.
luns, 27 abr 2026
A iniciativa permitirá obter información en tempo real a través do escáner no teléfono móbil. A proba piloto levarase a cabo en 173 edificios ou instalacións municipais.
luns, 27 abr 2026
O maior evento de emprendemento do Noroeste celebrarase os días 6, 7 e 8 de maio e incluirá o Investors Tour para conectar a investidores co ecosistema galego e o principal Foro de Investimento do territorio.
luns, 27 abr 2026
O Pleno do Consorcio aprobará este martes unha oferta pública do dereito de superficie das dúas parcelas que ten en Alcalde Portanet para que as xestoras interesadas poidan concorrer á construción de entre 70 e 90 vivendas.
venres, 24 abr 2026
Abel Caballero felicitou onte ás xogadoras do equipo júnior feminino do Club de Baloncesto Seis do Nadal que este mes se proclamou Campión Galego; un título que lles permite participar no Campionato de España de Clubs da categoría Júnior feminina que se celebrará en Huelva do 26 de abril ao 2 de maio. O Seis de Nadal destácase entre os mellores equipos da categoría a nivel nacional. O alcalde trasladoulles o seu orgullo polo esforzo que as levou ao cumio do baloncesto junior feminino e reiterou o apoio do Concello.
venres, 24 abr 2026
O alcalde salientou este venres que os 18 anos de actividade de Galiexpo Motor Show "acreditan un proxecto excepcional" que está enraizado en Vigo polo que "crece dunha forma especial na cidade da tecnoloxía e da automoción". Incidiu en que Vigo "destaca sempre no que facemos, pero cando se trata do motor é de forma irrepetible e inigualable".
xoves, 23 abr 2026
O alcalde destacou esta mañá, ante os participantes no “Feelant Impact Summit”, o reto e o obxectivo colectivo de integrar na sociedade e nas empresas ás persoas con diversidade funcional “para que todo o mundo teña un sitio acorde coas súas capacidades”. O encontro reúne a líderes sociais, científicos, institucións e empresas para abordar a discapacidade, a economía do coidado, a innovación en saúde e o futuro do Estado do benestar.
