O Concello apoia a difusión do documento elaborado pola Fundación Salma para animar ás persoas con problemas de saúde mental e a quen lles apoia a exercer os seus dereitos legais, sociais e económicos ante as administracións públicas. A guía será presentada no Museo Marco o xoves 4 de xuño nunha sesión formativa dirixida aos profesionais dos ámbitos xurídico, social e do terceiro sector de Vigo.
As luces das Fontes de Aragón ilumínanse de cor morada na noite deste luns. O Concello súmase á conmemoración do Día Mundial da Fibromialxia e da Síndrome de Fatiga Crónica, que se celebra o 12 de maio, unha xornada para visibilizar estas enfermidades crónicas, dolorosas e a miúdo invisibles, e coa que se busca concienciar, reducir o estigma e apoiar aos pacientes que afrontar dor xeralizada e fatiga.
Caballero destacou este luns a atención prestada polo Concello nos domicilios das persoas con autonomía limitada ou que se atopan en risco social a través do servizo municipal, que facilita os medios técnicos necesarios para mellorar a calidade de vida das persoas usuarias.
O alcalde saudou este venres aos 200 escolares e ás familias dos CEIPs Escultor Acuña e Valle-Inclán que participan, co alumnado da Escola Municipal de Teatro, nas representacións programadas na XVI edición das Xornadas de Teatro Escolar que se desenvolven no Auditorio Municipal. O rexedor animou á audiencia a gozar das representacións ao tempo que recalcou a transcendencia da actividade cultural tanto para os espectadores como para quen interpreta cada obra. Ao longo das tres xornadas, máis de 900 alumnas e alumnos vivieron esta experiencia teatral.
Este domingo, 10 de maio, celébrase o Día Mundial do Lupus e o Concello participa na xornada iluminando de cor morada as fontes da rúa Aragón. Un xesto simbólico, co que se quere visibilizar esta enfermidade autoinmune crónica que afecta a millóns de persoas en todo o mundo.
A Axencia Europea de Control da Pesca, con sede na nosa cidade, celebrou esta mañá no Museo do Mar o Día de Europa, que se conmemora o 9 de maio e marca o aniversario da histórica "Declaración Schuman", que sentou os cimentos da actual Unión Europea. No seu discurso, Abel Caballero destacou a gran importancia do ente comunitario na actualidade, apuntando que "hai 76 anos da agrupación de nacións soberanas máis importante do planeta. Foi unha fórmula de dicir que nunca máis desexabamos unha guerra mundial en Europa, o que mobilizou esta gran unión", e engadiu que "a Unión Europa é a garante da nosa marcha conxunta".
O alcalde anunciou esta mañá que o Goberno municipal realizará as obras de humanización destas dúas rúas “con ou sen” a participación do ente provincial porque “a esta cidade non é capaz de parala”.
Abel Caballero remitiu unha carta ao presidente ao Goberno autonómico pedíndolle que rectifique na súa intención de propoñer que as Cíes sexan Reserva da Biosfera, respectando a candidatura das Cíes a Xeoparque Mundial da Unesco na que o Concello leva traballando varios anos.
O alcalde ofreceu esta mañá a conferencia “Vigo: A transformación total dunha cidade” no acto organizado en Madrid por Forum Europa, no que amosou o seu compromiso para continuar co modelo de xestión da cidade, que conta co “acompañamento maioritario” da cidadanía expresado nun apoio do 85 por cento das vigueses e viguesas e que fixo posible que Vigo camiñe nun “proceso extraordinario de unidade”.
O Concello de Vigo seleccionou as producións cinematográficas que se proxectarán do 19 de xuño ao 4 de xullo no Pazo Quiñones de León, en resposta ao éxito alcanzado o verán pasado.