Abel Caballero responsabiliza á administración autonómica de ter perdido 15 anos e sostén que a nova infraestrutura evitaría as actuais limitacións no consumo de auga. Tamén anunciou que a próxima semana manterá unha xuntanza co rexedor de Baiona e garantirá o subministro de auga á vila veciña.
O alcalde de Vigo participou este venres en Valença na xornada «Rota pelo Interior e Cooperação Transfronteiriça», organizada polo Partido Socialista portugués, onde defendeu unha maior integración entre Galicia e o norte de Portugal e reclamou avanzar nos grandes proxectos compartidos de mobilidade, economía, innovación e cohesión territorial. Abel Caballero interveu no panel sobre cohesión territorial, fondos europeos e cooperación transfronteiriza xunto á excomisaria europea Elisa Ferreira e a profesora da Universidade do Porto Teresa Sá Marques. O secretario xeral do PS de Portugal foi o encargado de clausurar o evento.
Abel Caballero denunciou que a humanización “xa tiña que estar feita” e responsabilizou á Deputación de acumular máis dun ano de atraso na formalización do acordo.
O alcalde mantivo este mércores un encontro institucional con Alfonso Pereira Sardi, cónsul honorario de México con sede en Ourense, no que abordaron posibles vías de colaboración entre Vigo e o Consulado nos ámbitos económico, empresarial, comercial e cultural, así como na atención á comunidade mexicana residente en Galicia e á colectividade galega en México. Pereira exerce como cónsul honorario desde o pasado mes de xuño e ten entre os seus obxectivos reforzar as relacións entre Galicia e México e favorecer a atracción de novos investimentos.
Abel Caballero e Carmen García Mateo abordaron novos espazos para a Universidade de Maiores, a ETEA e a mellora das conexións de autobús co campus. Esta mañá tivo lugar na Alcaldía o primeiro encontro institucional desde que a reitora tomou posesión do seu cargo.
O alcalde destacou este venres o investimento de 850.000 euros realizado polo Concello para dotar á pista deportiva cunha cuberta “extraordinaria”.
O evento celebrarase durante oito días, nas fins de semana do 27 ao 30 de agosto e do 3 ao 6 de setembro, aumentando así o número de xornadas para gozar deste manxar do mar.
O alcalde remitiu unha carta á secretaria de Estado de Turismo para solicitar apoio ás futuras conexións do aeroporto de Vigo con Londres e París e pediu unha reunión para abordar a colaboración. Abel Caballero lamenta que Vigo non conte xa con estas rutas internacionais “porque a Xunta aínda non respondeu á petición de financiar a terzos novos destinos”.
Abel Caballero pide “máxima precaución” ante o risco de incendios e as aglomeracións e lembra a necesidade de empregar lentes homologadas para observar o fenómeno.
Abel Caballero informou de que os niveis de reserva de auga están por debaixo dos rexistrados en 2011 e 2017, anos nos que a cidade atravesou importantes episodios de seca.