Vigo é a primeira cidade galega en aprobar as contas para 2025 en Xunta de Goberno, cun montante de 334.616.975 euros, un 5,3% máis que o ano pasado. Trátase do décimo oitavo orzamento aprobado de forma consecutiva, o que da conta da estabilidade da que goza a cidade.
O museo MARCO de Vigo acolleu esta mañá o Metrocuadrado Real Estate Summit, un evento de gran relevancia do sector inmobiliario. Abel Caballero achegouse ao evento que contou coa participación dos principais actores do mercado inmobiliario a nivel nacional, incluíndo inversores, promotores e expertos del sector. Un dos temas que abordados foi “Arquitectura para a rexeneración urbana”, un ámbito no que o Concello de Vigo tivo un papel destacado, con proxectos como Vialia e o Halo, que revitalizaron unha parte significativa da cidade.
O alcalde avanzou hoxe que na oferta de emprego público de 2023 convocaranse 27 prazas para distintas categorías da Policía Local, e que o Diario Oficial de Galicia publicou hoxe o nomeamento como funcionarios de carreira de 9 axentes, dúas mulleres e sete homes.
O alcalde participou na presentación das V Xornadas de Autopromoción Vitivinícolas de Meis, Meusviños, que se celebrará os vindeiros días 18, 19 e 20 de outubro no propio concello pontevedrés. Caballero louvou ao sector vitivinícola e a propia feira, que puxo en marcha o actual goberno local e xa suma 13 adegas nesta nova convocatoria. O programa das xornadas inclúe catas, degustacións, música, maridaxes e obradoiros de cociña en directo.
Os sábados 26 de outubro e 9 de novembro os locais municipais das asociacións veciñais de Beade e Sárdoma ofrecerán, ás persoas maiores de 65 anos dúas novas sesións da actividade “Bailes en Vigo”, que forman parte do Programa de Avellentamento Activo. “O baile é unha actividade magnífica para a xente e tiñamos moita demanda que estamos a satisfacer”, afirmou o alcalde.
Abel Caballero asegurou hoxe aos participantes na xornada "Gaza. A catástrofe", organizada polas Ong "Hoxe por tí" e "Xuízas e xuíces pola democracia", que "en Vigo non imos quedar calados ante o que está a suceder en Gaza" porque "esta non é unha cidade que se amedrenta e que mira para outro lado. Afrontamos as cousas de fronte, como nos ensinou a nosa propia acción e a nosa historia e queremos afrontar isto e dicirlle a todo o mundo onde estamos e o que queremos mobilizar”, dixo.
Este martes, 15 de outubro, o Concello súmase a conmemoración do "Día Internacional da perda xestacional, neonatal e perinatal" iluminando de rosa e azul as fontes de Aragón. A iniciativa ten como obxectivo concienciar e sensibilizar á sociedade sobre a necesidade de proporcionar maior compresión e apoio tanto as mulleres como as súas parellas, familias e contorna próxima ante a perda dun bebé durante o embarazo, o período neonatal ou o primeiro ano de vida.
O alcalde e o concelleiro de Deportes visitaron este martes o resultado das obras de mellora realizadas no céspede do campo de fútbol e de hóckey así como da remodelación da pista de rodadura, do Pavillón de As Travesas. Estas obras contaron cun investimento de 408.000 euros.
O alcalde manifesta de novo que a cidade quere coñecer a puntuación do resto das candidaturas seleccionadas para o Mundial 2030 e responde: “Se falamos de financiamento, Vigo ten débeda cero”.
O alcalde presentou este luns o encontro que se celebrará o 16 de outubro baixo o título “Gaza, a catástrofe Nakba” xunto a Lola Galovart da ONG “Hoy por ti” e Raquel Casas de “Juezas y Jueces por la democracia”.