xoves, 30 out 2025
O alcalde recibiu este xoves, no salón de plenos do Concello de Vigo, a 50 alumnos de sexto de Educación Primaria do CEIP Seis do Nadal que participaron no programa didáctico municipal "Visita ou teu Concello". Animou aos escolares a interesarse polo traballo que desenvolve a administración local a través do percorrido polas dependencias municipais, indicando a importancia das xestións e decisións que se adoptan no Concello para garantir a calidade de vida da cidadanía, desde a prestación de servizos esenciais como o abastecemento de auga, á axuda ás persoas con recursos escasos, así como aos estudantes a través das distintas becas.
luns, 27 out 2025
O Pleno Municipal deste luns aprobou a moción socialista que demanda tamén a recuperación do programa de gratuidade dos libros de texto no ensino obrigatorio.
luns, 27 out 2025
Entre as partidas máis destacadas está o programa Vigo en Inglés con 3.225.000 de orzamento. O Goberno municipal dedica 3.594.000 euros a limpeza, vixilancia, reparación, electricidade e calefacción nos colexios.
venres, 24 out 2025
O rexedor asistiu este venres na peonil do Calvario á carreira organizada polo Colexio Quiñones de León na que participaron con moita ilusión máis de 200 nenas e nenos de Educación Infantil a 4º da ESO xunto con familias e profesorado. Foi unha carreira solidaria que se enmarca no proxecto solidario UNOENTRECIENMIL de loita contra a leucemia infantil, un fin para o que recadaron fondos a través desta proba deportiva.
venres, 24 out 2025
O alcalde de Vigo, Abel Caballero, anunciou hoxe a aprobación do proxecto para cubrir o patio do CEIP Celso Emilio Ferreiro, cun investimento municipal de 734.000 euros. O prazo de execución será de 5 meses.
mércores, 22 out 2025
O alcalde mantivo unha xuntanza este mércores co novo presidente da Real Academia Galega, Henrique Monteagudo, e coa nova tesoureira, María López-Sández, a quen lles trasladou toda a cooperación municipal nesta nova etapa que inician á fronte da institución. A nova directiva da RAG amosou o seu interese por continuar a colaboración entre ámbalas entidades e puxo en valor a cidade polo seu peso poboacional e a súa importancia histórica e cultural.
mércores, 22 out 2025
O alumnado de 1º a 3º de Educación Primaria do Colexio Canicouva inaugurou este mércores, coa a visita á Pinacoteca Francisco Fernández del Riego para coñecer a colección do pintor Colmeiro, o programa didáctico organizado polo Concello para que os estudantes de primaria e secundaria coñezan os museos de Vigo. O alcalde explicou a docentes e escolares que o obxectivo da iniciativa municipal é facilitar o coñecemento e o goce das obras expostas nos museos da cidade.
martes, 21 out 2025
Abel Caballero explicou hoxe aos 34 alumnos de 4ª e 5ª de Educación Primaria do CEIP Ramón y Cajal que participan no programa didáctico "Visita ou teu Concello" a transcendencia do traballo que desenvolve a administración municipal para favorecer o benestar de toda a cidadanía e proporcionarlle servizos esenciais. Os escolares visitaron as dependencias municipais para mellorar o seu coñecemento sobre o funcionamento do Concello.
martes, 14 out 2025
O alcalde, a primeira tenente de alcalde e a concelleira de Educación, recibiron este martes no Salón de Plenos do Concello a 44 alumnos de sexto de primaria do CEIP Frián Teis que participan no programa didáctico "Visita ou teu Concello". Abel Caballero, explicou a incidencia e a importancia das decisións que adopta o goberno municipal na calidade de vida de toda a cidadanía e para "sentir o orgullo de ser de Vigo".
martes, 14 out 2025
Abel Caballero participou esta mañá na presentación do libro infantil “Unha Galaxia Viguesa”, unha iniciativa enmarcada dentro da conmemoración do 75 aniversario da Editorial Galaxia. Acompañado polo director, Xosé Manuel Soutullo, o alcalde saudou ao alumnado de 5º y 6º de Primaria de distintos centros educativos que esta mañá visitaron o Auditorio Municipal ao que animou a adentrarse no mundo da lectura. Durante o acto, no que tamén participaron o escritor, Marcos Calveiro, e a ilustradora, Mara Méndez, Caballero louvou a traxectoria dunha empresa editorial comprometida co territorio e coa súa lingua. A colaboración entre Concello e Galaxia permitirá a distribución de 10.000 exemplares desta publicación entre os distintos colexios da cidade.
