luns, 29 dec 2025
O Pleno da Corporación Municipal acordou hoxe, cos votos a favor dos grupos municipais do PSdeG-PSOE e do BNG e a negativa dos edís do PP, esixir á Consellería de Educación un plan “serio e calendarizado” para substituír todas as caldeiras dos colexios públicos da cidade coa finalidade de garantir o confort térmico da comunidade escolar, así como dotar ao CIPF Manuel Antonio do persoal docente necesario para atender a todo o alumnado.
venres, 26 dec 2025
A Xunta de Goberno do Concello de Vigo aprobou este venres a prórroga do contrato do programa didáctico “Vigo en inglés” por 3 millóns de euros. Abel Caballero avanzou que en 2026 máis de mil estudantes permanecerán durante un mes en Reino Unido e Irlanda becados polo Concello. "Vigo é a cidade de España que fala mellor inglés e moito ten que ver que miles de mozos foron a estudar o idioma ao estranxeiro", remarcou o rexedor.
venres, 19 dec 2025
Abel Caballero e a concelleira de Educación participaron este venres na celebración do Nadal organizada pola comunidade escolar do CEIP Altamar na que ou alumnado, o profesorado e as familias compartiron as 12 badaladas para despedir o ano 2025. O alcalde asistiu á interpretación da panxoliña composta polo estudantado e trasladou os seus mellores desexos a toda a comunidade educativa.
mércores, 17 dec 2025
O alumnado do CPR Atlántica recibiu este mércores ao alcalde vestidos cun pixama de Nadal. Os escolares ensinaron a Abel Caballero os traballos manuais sobre o Nadal de Vigo cos que decoraron as instalacións do centro educativo. O rexedor animounos a estudar e a gozar destas festas. O centro concertado foi Vigués Distinguido no ano 2019.
martes, 9 dec 2025
O alcalde cortou a cinta vermella para dar paso aos comensais, que gozarán os próximos días das Xornadas Gastronómicas do Nadal. Caballero amosou o seu apoio á iniciativa e louvou a acción do alumnado e o profesorado por levar adiante este servizo profesional. Nesta actividade participan ao redor 850 estudantes dos módulos de Hostalería, Textil e Confección, Turismo e Marketing. As xornadas desenvolveranse do 9 ao 18 de decembro, nun restaurante aberto ao público no que o alumnado realiza todas as tarefas profesionais: xestión de reservas, elaboración de mantelerías, montaxe e decoración de mesas, preparación de pratos e sobremesas, servizo en sala, labores de maître, atención de camarería e limpeza.
venres, 28 nov 2025
O alcalde anunciou este venres que o Concello presentará un recurso de alzada en contra da resolución da Xunta que rexeita a solicitude da desafección de uso docente do vello edificio do colexio Virxe do Rocío para revertelo a Vigo co fin de transformalo nun centro para actividades sociais e culturais para a veciñanza de Coia. "Está sen uso docente desde 2012", afirmou.
luns, 24 nov 2025
Na Xunta de Goberno do pasado venres tamén se aprobaron subvencións para a organización e difusión de actos sociais e encontros veciñais neste ano.
xoves, 13 nov 2025
Abel Caballero recibiu este xoves, no Salón de plenos do Concello, a 44 alumnos de 5ª e 6ª de Educación Primaria do CPR San Fermín que participan no programa didáctico "Visita ou teu Concello". O alumnado percorreu as instalacións dos principais servizos municipais para mellorar os seus coñecementos sobre o funcionamento da administración municipal e a súa incidencia na vida da cidadanía. O alcalde explicou ao estudantado a importancia das decisións que se adoptan no Concello para mellorar a calidade de vida das viguesas e vigueses.
martes, 11 nov 2025
O alcalde explicou este martes aos 37 alumnos de primeiro de Secundaria do IES Santa Irene, que participan no programa didáctico municipal "Visita ou teu Concello", o sistema de funcionamento do Concello para garantir que a cidadanía conte con servizos como o abastecemento da auga ou as axudas aos colectivos que as necesitan. Animoulles a interesarse pola información que reciben no percorrido das dependencias municipais por parte dos técnicos.
martes, 4 nov 2025
Abel Caballero censurou este martes o “maltrato” que o Goberno autonómico presta ao ámbito educativo na cidade citando casos como o do Manuel Antonio ou o do Ceip A Paz Tintureira en Coruxo.
