martes, 14 mai 2024
Abel Caballero trasladou este martes a 40 alumnos do Colexio Quiñones de León a importancia de "coñecer ben a historia da cidade" e de gozar coa actividade organizada polo goberno local: "A Máquina do Tempo- Reconquista 2024". Os escolares percorreron as principais rúas onde en 1809 a cidadanía viguesa protagonizou a expulsión das tropas francesas de Napoleón. A iniciativa didáctica municipal aproxima un dos principais episodios históricos de Vigo a 1.200 estudantes de 5ª y 6ª de primaria.
martes, 14 mai 2024
Alumnado do centro percorreu este martes as dependencias dos principais servizos do Concello de Vigo para coñecer o funcionamento e as actividades que desenvolve a administración local. Os 50 estudantes que participaron no programa municipal "Coñece ou teu Concello" foron recibidos polo alcalde. Abel Caballero trasladoulles a importancia das decisións que se adoptan na Casa do concello, ademais de responder ao interese dunha das alumnas polo río Lagares.
luns, 13 mai 2024
As rúas chave onde se desenvolveu en 1809 a Reconquista de Vigo foron percorridas este luns polos 50 alumnos do Colexio Monterrey que participan na actividade municipal "A Máquina do Tempo-Reconquista 2024". Os estudantes foron recibidos no Concello polo alcalde Abel Caballero, quen lles animou a mellorar o coñecemento da historia e a participar activamente no roteiro histórico que seguiron os vigueses do século XIX para recuperar á cidade do dominio das tropas francesas. O Concello de Vigo achega a Reconquista a preto de 1200 escolares de 5ª e 6ª de Primaria.
luns, 13 mai 2024
O Auditorio Municipal acollerá o xoves 16 de maio “Lingua guapa”, un espectáculo froito da colaboración das escolas municipais de Música e de Teatro que se representará ás 20,00 h. O acceso é gratuíto previa invitación, tal e como explicou hoxe o rexedor.
mércores, 8 mai 2024
Abel Caballero animou ao alumnado do Ceip Belesar e da Escola Municipal de Teatro, que participaron este mércores nas “XIV Xornadas Municipais de Teatro Escolar", a seguir vinculados ás artes escénicas como actores e como espectadores. Insistiulles nas capacidades e as destrezas que se desenvolven a través da representación teatral e puxo en valor a achega do Concello a través da Escola Municipal de Teatro. Aproximadamente 1.100 alumnos e alumnas participan nesta experiencia teatral.
mércores, 8 mai 2024
Abel Caballero explicou este venres aos 40 alumnos do Colexio Plurilingüe O Pombal que participan na actividade didáctica "A Máquina do Tempo- Reconquista 2024" o valor co que a cidadanía de Vigo afrontou en 1809 a xesta de recuperar a cidade do dominio francés tras expulsar ao exército invasor. O alcalde remarcou a importancia de que os estudantes coñezan a historia de Vigo e percorran os lugares crave onde se sucederon os episodios lembrados cada ano na cidade. O Concello de Vigo achega a Reconquista a preto de 1200 escolares de 5ª e 6ª de Primaria.
martes, 7 mai 2024
Gozar da interpretación escénica, aprender a estar nun escenario e a expresarse en público. É a recomendación que deu hoxe o alcalde aos alumnos que representaron no Auditorio Municipal as súas obras dentro das “XIV Xornadas Municipais de Teatro Escolar”, organizadas pola Escola Municipal de Teatro. Este martes os estudantes do colexio Mestres Goldar representaron a obra "Vigo - Paris', seguidos dos do CEIP Lope de Vega con "Se eu tivera unha púa" e do CEE Saladino Cortizo coa obra "Limón". Preto de 1100 alumnos e alumnas formarán parte desta experiencia teatral como actores e como público.
martes, 7 mai 2024
O alcalde explicou este martes aos 35 alumnos do Colexio Compañía de María que participan na actividade municipal "A Máquina do Tempo-Reconquista 2024" a importancia de coñecer a historia da Vigo e de forma especial o episodio no que os vigueses recuperaron a urbe da ocupación de Francia. Acompañado polo soldado francés da garda imperial de Napoleón Pierre Delapierre, Abel Caballero animou aos escolares para percorrer os escenarios onde tivo lugar en 1809 o histórico acontecemento. Con esta iniciativa o Concello de Vigo achega este ano a Reconquista a preto de 1200 escolares de 5º e 6ª de Primaria.
luns, 6 mai 2024
O rexedor achegouse esta mañá ao Auditorio Municipal, epicentro das XIV Xornadas Municipais de Teatro Escolar, levadas a cabo pola Escola Municipal de Teatro de Vigo. Nesta actividade, varios centros de ensino de educación Primaria da cidade, terán a oportunidade de presentar diversas pezas teatrais, desenvolver a súa faceta artística participando como actrices e actores. As representacións terán lugar os días 6, 7, 8 e 9 de maio a partir das 10:00 h da mañá, asistindo como público tamén o alumnado dos centros educativos. Abel Caballero animou a nenos e docentes a "gozar da marabilla do teatro".
venres, 3 mai 2024
A Xunta de Goberno Local aprobou hoxe as bases e a convocatoria das bolsas de comedor, libros e material escolar para o curso 2024-2025. As axudas ascenden a 1.427.700 euros, segundo explicou este venres o alcalde ao lembrar que a esta cantidade hai que sumar os 600.000 euros que recibe Foanpas.
