Caballero louva ao estudantado pola seu desempeño na X Feira de Ensinanzas Artísticas, Profesionais e Universitarias
O alcalde participou na inauguración da Feira de Ensinanzas Artísticas que se celebra no Verbum, un encontro educativo que prevé reunir arredor de 2.300 estudantes de 3º e 4º da ESO e de 1º e 2º de Bacharelato ao longo do xoves e o venres. A feira, que conta con 25 stands de universidades, centros formativos e institucións, destaca por romper os compartimentos estancos da formación ao reunir nun mesmo espazo estudos tradicionais —como medicina, dereito ou enxeñaría biomédica— con opcións profesionais ligadas á industria do ocio, a creatividade e o benestar, desde a animación 3D e o desenvolvemento de videoxogos ata a coctelería, a osteopatía ou a formación de pilotos de liñas aéreas.
