A Xunta de Goberno Local aprobou as bases e a convocatoria das axudas por valor de 260.000 euros para que as entidades deportivas sen ánimo de lucro realicen obras de mellora nos vestiarios dos campos de fútbol. Estas subvencións súmanse ás concendidas en 2024 para renovar o céspede artificial de distintos clubs privados, segundo recordou o alcalde.
Abel Caballero saudou este martes aos alumnos senior da Universidade Nacional a Distancia, UNED, que asisten aos cursos de seguridade informática e baile. Ante eles, destacou que a política municipal contempla iniciativas destinadas tanto á mocidade como ás persoas maiores, xerando un “proceso de unidade en Vigo que é admirado” .
O alcalde desvelou esta mañá as que serán as Medallas de Ouro da Cidade 2026. Este ano recollerán esta distinción o colexio Carmelitas e o presidente da Cámara de Comercio e empresario, José García Costas.
A avogada Ana María García Costas recollerá o vindeiro venres 20 de marzo o “XIV Premio de Igualdade Ernestina Otero”, acordado por unanimidade polo Consello Municipal da Muller, en recoñecemento ao seu traballo como asesora xurídica no ámbito da violencia de xénero na ONG “Faraxa. Pola abolición da prostitución” e na asociación “Alecrín” de defensa dos dereitos das mulleres.
O alcalde anunciou que se priorizan as necesidades da comunidade educativa e que se construirán novas dependencias en lugar das 6 vivendas previstas.