O rexedor dá a benvida ao novo presidente da Audiencia Provincial de Pontevedra
O alcalde de Vigo mantivo un encontro con Jacinto José Pérez Benítez, presidente da Audiencia Provincial de Pontevedra, quen tomou posesión do cargo o pasado mes de setembro. Membro da carreira xudicial desde 1995 e especialista en dereito mercantil, forma parte desde 2009 da sección primeira —civil e mercantil— da Audiencia Provincial de Pontevedra e conta cunha ampla traxectoria na xudicatura.
