Máis de 500 escolares gozan do espectáculo “Ecoralia, a lambona ecolóxica”
O alcalde saudou este mércores aos máis de 500 alumnas e alumnos de trece centros educativos da cidade, que asistiron no Auditorio Municipal ao espectáculo “Ecoralia, a lambona ecolóxica”, unha xornada organizada polo Concello dentro da programación de normalización lingüística. A través de cancións e narracións a ritmo de rock coa súa guitarra, Pakolas achegoulles a historia da maga Ecoralia, que aborda a importancia do consumo ecolóxico para coidar o medio ambiente, combater o cambio climático e garantir o benestar animal.
