O rexedor chama "a sentirse orgullososo dos antepasados de Vigo" na celebración da Reconquistiña
A Porta do Sol de volveu encherse este luns coa enerxía da Reconquista, coa presenza de 2.200 escolares de máis de 50 centros educativos de Vigo que participaron na Reconquistiña. O alcalde animou á mocidade a sentirse “orgullosa” dos antepasados que en 1809 se enfrontaron ás tropas napoleónicas para liberar a cidade. Lembrou que a nova causa é conseguir que Vigo sexa sede do Mundial en 2030 “porque temos dereito, porque o gañamos”.
Abel Caballero animou hoxe aos escolares a gozar da Reconquista e a celebrar a “heroicidade” que situou a Vigo como a primeira cidade española en expulsar ás forzas napoleónicas “para poder vivir en liberdade e poder gozar do noso futuro en tranquilidade, sen invasores”.
“Foi Vigo a que abriu a senda da liberdade de toda Europa”, recalcou o alcalde. As nenas e nenos participantes no evento, tras concentrarse na Porta do Sol, desfilaron ata a Praza do Berbés.