O alcalde visita o Colexio Maristas

luns, 20 mai 2019

Abel Caballero acudiu este luns ao Colexio Maristas el Pilar onde tivo a oportunidade de coñecer as instalacións e someterse ao cuestionario do alumnado. As nenas e nenos tiñan preparada unha sesión de preguntas para propoñerlle ao rexedor sobre a súa vida persoal e sobre a súa traxectoria política. No transcurso da entrevista, o alcalde lembroulle aos escolares a importancia do estudo e da educación que reciben por parte do profesorado no centro e dos pais e nais na casa.

O alcalde saúda ao alumnado das X Xornadas de Teatro Escolar

luns, 6 mai 2019

O Auditorio Municipal acolle desde hoxe as X Xornadas Municipais de Teatro Escolar que contarán coa participación de 350 estudantes de 14 centros de Educación Primaria da cidade que representarán diferentes pezas, baixo a dirección técnica da Escola Municipal de Teatro. O alcalde saudou este luns ao alumnado, profesorado e familias presentes no patio de butacas da sala.

O rexedor pon en valor aos escolares como parte importante da cidade

xoves, 11 abr 2019

Abel Caballero visitou este xoves o Colexio Plurilingüe Calasancias onde foi sometido a unha entrevista polo alumnado, interesado en coñecer o seu labor como alcalde e a súa faceta máis persoal. Caballero felicitounos polo traballo realizado e destacou a importancia dos nenos e nenas na configuración da cidade que debe construírse pensando, especialmente, nos maiores e nos máis pequenos.