O alumnado de 5ª e 6ª de Primaria do CPR San Fermín participa no programa "Visita o teu Concello"
Abel Caballero recibiu este xoves, no Salón de plenos do Concello, a 44 alumnos de 5ª e 6ª de Educación Primaria do CPR San Fermín que participan no programa didáctico "Visita ou teu Concello". O alumnado percorreu as instalacións dos principais servizos municipais para mellorar os seus coñecementos sobre o funcionamento da administración municipal e a súa incidencia na vida da cidadanía. O alcalde explicou ao estudantado a importancia das decisións que se adoptan no Concello para mellorar a calidade de vida das viguesas e vigueses.
