Caballero empraza aos asistentes do Vigo Global Summit a reencontrarse dentro de dous anos
O alcalde de Vigo, Abel Caballero, asistiu esta mañá á conferencia maxistral impartida por Daron Acemoğlu, Premio Nobel de Economía 2024, titulada “O progreso nun punto de inflexión: Tecnoloxía, poder e os desafíos globais”, no marco do Vigo Global Summit 2025. Tras a intervención do economista, Caballero foi o encargado de clausurar a xornada matinal deste encontro internacional, que reúne expertos, líderes institucionais e representantes do ámbito empresarial para analizar os retos da innovación e o desenvolvemento sostible. O evento conclúe esta tarde cunha programación cultural e musical, da man do monologuista Carlos Blanco e o artista Baiuca. Abel Caballero louvou ao Consorcio da Zona Franca de Vigo pola organización e por situar a Vigo no epicentro da economía mundial.
