Caballero destaca o papel de Vigo TIC Global HUB de Zona Franca no IV Congreso New Space 2026
O alcalde felicitou a Alén Space, organizadora do encontro, que reúne a máis de 250 asistentes, 40 relatores e 120 empresas de España, Europa e Latinoamérica, pola súa contribución a propiciar que "o SiIicon Valley do segundo cuarto do século XXI se chame Vigo”.
Na inauguración das xornadas, Abel Caballero incidiu en que o congreso, centrado en “Autonomía estratéxica desde o espazo”, é máis que tecnoloxía, economía, investigación e cooperación entre investigadores e empresas, por representar o futuro “deste século, o que vai dominar os tres cuartos do século XXI que queda por diante”.
O rexedor destacou a achega de Zona Franca de Vigo na transformación e crecemento das empresas, así como no impacto na vida da cidadanía a través da potenciación do desenvolvemento do avance tecnolóxico.