Vigo vén de recibir o premio “Hepcelentes 2023” concedido pola Sociedade Española de Directivos da saúde e a Alianza española para a eliminación da hepatite. Trátase dun recoñecemento á actividade desenvolvida desde a entidade municipal CEDRO.
Abel Caballero achegouse esta mañá á sede de Afundación para saudar aos asistentes ao 30 Congreso Nacional de Fleboloxía e Linfoloxía que se desenvolve en Vigo ata mañá venres. Logo de darlles a benvida á cidade aos 200 médicos asistentes, o rexedor louvou a labor destes profesionais ao tempo que puxo en valor a inversión en investigación.
O Concello financiará boa parte da humanización de Romil con fondos Next Generation EU, dado que vén de recibir outros 700.000 euros. Deste xeito, o proxecto prevé a rexeneración e o acondicionamento do espazo urbano, mellorando a mobilidade peonil, entre outras melloras.
Vigo súmase á conmemoración desta xornada, tinguindo de amarelo as fontes da rúa Aragón esta noite de martes, 14 de marzo. A petición realizouna a Asociación QuerENDO, mulleres con endometriose, tal e como avanzou o rexedor. O obxectivo é dar visibilidade a esta doenza xinecolóxica crónica que afecta a unha de cada dez mulleres.
Abel Caballero recibiu esta mañá aos promotores do III Congreso Knotgroup “Los Orígenes” que se desenvolverá en Vigo no mes de de maio. Máis de 20 especialistas en odontoloxía e estomatoloxía exercerán de relatores na sede de Afundación para afondar na relación entre esta especialidade e outras disciplinas médicas.
O alcalde criticou en rolda de prensa que a Xunta “tarde sete meses en autorizar unha conexión á rede de abastecemento” e lamentou que a praia da ETEA non teña este verán bandeira azul polo “impedimento” á instalación dun baño.
Abel Caballero amosou esta mañá o seu respaldo á manifestación convocada por SOS Sanidade Pública o domingo 12 de febreiro en Santiago, un apoio que vén reforzado polo acordo plenario acadado na sesión desta mesma mañá. En rolda de prensa, o alcalde defendeu a necesidade de reforzar os cadros de persoal da Atención Primaria.
A Oficina Municipal de Información ao Consumidor está a dispor de particulares e comunidades de propietarios para axudarlles na reclamación do cambio de tarifa de gas do mercado libre á regulada.
O grupo socialista contou co apoio do Grupo Mixto e do conselleiro non adscrito para sacar adiante unha proposición que reclama a reposición de xeito inmediato da praza de pediatría que se vén de amortizar no centro de saúde Pintor Colmeiro. O texto critica que a decisión do Sergas obrigou a redistribuír a 950 nenos e nenas a outros centros sanitarios.
Abel Caballero mantivo onte unha xuntanza coa ministra de Sanidade, Carolina Darias, na que, como presidente da FEMP, asinou a convocatoria de 18 millóns para as entidades locais dentro de Plan de Recuperación, Transformación e Resiliencia. Vigo concorrerá co máximo importe, 300.000 euros, para a construción dos parques infantís de Camilo José Cela e o Berbés.