O Concello promove a alfabetización dixital dunha decena de cursos gratuítos

xoves, 8 set 2016

As clases impartiranse no edificio municipal de Areal de setembro a decembro, cun total de 140 prazas dispoñibles e o prazo de inscripción xa aberto. A oferta do Concello procura mellorar as aptitudes dos vigueses e viguesas coas ferramentas dixitais, Internet, correo electrónico, smartphones e redes sociais. Toda a información dos cursos e as inscricións, a través do teléfono gratuito 010<br />

O goberno de Vigo deseñará un plan de atención a Freixo en colaboración cos veciños

martes, 1 set 2015

O alcalde recibíu este martes aos responsables da Asociación de Veciños de Freixo, en Valladares, unha reunión solicitada pola nova directiva e da que saíu o compromiso do Concello de elaborar e acometer un plan de atención á zona, que incluirá actuacións como pavimentados, a instalación dunha marquesiña e a mellora da seguridade viaria e da sinalización.

O goberno de Vigo cede un local á Asociación de Persoas Afectadas por Patoloxías Neuromusculares

xoves, 6 ago 2015

O alcalde visitou este xoves a nova sede de ASEM en Martínez Garrido, espazo de case 100 metros cadrados cedido de balde polo Concello para os próximos 20 anos no que a Asociación ten espazo para as súas oficiñas e sala de fisioterapia. Caballero avanzou que o goberno local colaborará coa entidade no congreso estatal que se celebrará na cidade en outono.

O goberno local cede un novo local a IgualArte e lles mantén o convenio anual de apoio

mércores, 27 mai 2015

O alcalde rubricou este mércores o convenio para sufragar o aluguer do local no que traballa actualmente a entidade, á espera de formalizar a cesión xa comprometida dun espazo municipal novo na rúa Palencia. Caballero asegurou que se trata dun "importante apoio" a IgualArte, institución que traballa con rapaces e rapazas con discapacidade intelectual a través das artes.

O alcalde asinou un convenio coa Asociación Monte da Mina de Castrelos de apoio ás súas actividades

xoves, 14 mai 2015

Abel Caballero rubricou este xoves un acordo de colaboración cos responsables da Asociación Veciñal, Cultural e Deportiva "Monte da Mina" de Castrelos segundo o cal o goberno de Vigo achega 9.000 euros para o financiamento das súas actividades deste ano, incluíndo a coordinación e xestión do viveiro de asociacións que teñen nas súas instalacións.