luns, 24 xuñ 2024
Aumentar a partida da axuda que a consellería de Presidencia, Xustiza e Deportes concede ao concello para os servizos de praia, así como dotar ao parque natural das Illas Cíes dun servizo médico de atención fora do horario de salvamento que presta o concello. Son as dúas peticións dirixidas este luns á administración galega polos corporativos do PSdeG-PSOE e do BNG, que votaron a favor da moción presentada polo grupo municipal socialista, para demandar melloras na “paupérrima” subvención asignada a Vigo para atender ás súas 56 praias.
luns, 27 mai 2024
A Corporación Municipal rendeu homenaxe este luns a Sergio Sanlés, o bombeiro municipal que perdeu a vida este sábado en acto de servizo na cidade, gardando tres minutos de silencio na súa memoria ao inicio da sesión plenaria ordinaria correspondente ao mes de maio.
luns, 27 mai 2024
Os socialistas aprobaron a moción cos seus votos favorables, o apoio do BNG e a abstención do PP . O edil e voceiro, Carlos López Font, defendeu a petición de CONXEMAR “porque todo o espazo que se foi construíndo foi cuberto sempre, tendo aínda máis solicitude de espazo”.
luns, 27 mai 2024
O Pleno da Corporación de Vigo aprobou hoxe, cos votos dos concelleiros dos grupos municipais do PSdeG-PSOE e do BNG, a moción socialista que insta á Xunta de Galicia a incrementar en Vigo as prazas públicas de centros de atención residencial, o investimento per cápita en materia de dependencia, e a activar un plan de choque para desbloquear tanto as listas para a valoración, que nestes momentos acumula 370 días de espera, como o acceso á carteira de servizos e a unha praza nunha residencia pública, que suma dous anos de espera.
luns, 29 abr 2024
No pleno aprobouse a moción do Grupo Socialista na que se insta ao goberno autonómico a aprobar un plan, con dotación orzamentaria, para a promoción de rutas nacionais e internacionais no aeródromo vigués. O Partido Popular votou en contra e o BNG abstívose.
luns, 29 abr 2024
O Concello de Vigo é líder en España no prazo de pago a provedores, cunha media de 6,58 días de abono de facturas, segundo avanzou este luns no Pleno da Corporación local o concelleiro de Orzamentos e Facenda, Jaime Aneiros, ao detallar que durante o primeiro trimestre de 2024 desembolsáronse 24 millóns de euros neste capítulo. O edil indicou que o goberno municipal planifica xa o orzamento de 2025, que incluirá máis de 30 millóns de investimentos, e que durante os tres primeiros meses de 2024 o Concello autorizou o gasto de 170 millóns de euros do orzamento de 2024, que ascende a 363 millóns, dos que 42 millóns están en fase de pago.
luns, 29 abr 2024
A moción socialista defende a obrigatoriedade do goberno autonómico de garantir que os escolares “poidan formarse nas mellores condicións”. Quedou aprobada tamén a demanda de Vigo á Xunta para eliminar o copagamento das escolas infantís de titularidade autonómica.
luns, 25 mar 2024
A decisión da dirección estatal do Partido Popular de rexeitar a proposta de teito de gasto aprobada polo Goberno e polo Congreso dos Deputados, que “penaliza a Vigo en 17, 7 millóns de euros”, recibiu hoxe a reprobación conxunta dos concelleiros do PSdeG-PSOE e do BNG. Cos 20 votos dos edís socialistas e nacionalistas, o Pleno Municipal de hoxe aprobou a moción, presentada polo PSdeG-PSOE, que censura aos concelleiros populares por rexeitar no Senado a proposta de teito de gasto, e que lles “esixe” pedir desculpas á cidadanía viguesa polos preto de 18 millóns que ven comprometidos.
luns, 25 mar 2024
O grupo socialista reprobou as declaracións da conselleira de Medioambiente, Ánxeles Vázquez, “que denostaba a candidatura das Illas Cíes como Xeoparque da UNESCO”. Os socialistas tamén aprobaron a moción na que instan ao Partido Popular a respectar a importancia da cidade de Vigo.
luns, 25 mar 2024
A proposta de concesión das Medallas de ouro da cidade á Policía Nacional no seu bicentenario e ao Hospital Ribera-Povisa recibiu o voto favorable dos grupos socialista e popular e o voto en contra do Bloque Nacionalista Galego.
