luns, 27 nov 2023
O Pleno do Concello acordou este luns, cos votos dos concelleiros do PSdeG-PSOE e do BNG, instar á Xunta a que inclúa nos orzamentos de 2024 unha partida específica para implantar, con medios materiais e de persoal suficientes, gardas de 24 horas nos xulgados de instrución de Vigo para afrontar os 22.000 casos que están sen resolver. Os cinco edís do PP votaron en contra da reclamación.
luns, 27 nov 2023
O Concello reclama á Xunta que os orzamentos de 2024 inclúan unha partida para executar as comprometidas obras de ampliación do túnel de Beiramar ata a rúa Coruña. Así foi acordado este luns no Pleno da Corporación Municipal cos votos dos grupos municipais do PSdeG-PSOE e do BNG e coa abstención do PP.
luns, 27 nov 2023
A moción socialista esixindo á Xunta de Galicia a gratuidade dos libros de textos e materiais curriculares recibiu o voto negativo do grupo popular.
xoves, 23 nov 2023
A Corporación Municipal de Vigo aprobou este xoves os orzamentos municipais para 2024 co voto a favor do grupo municipal socialista e o rexeitamento dos edís do PP e do BNG. As contas para o próximo exercicio, aprobadas hoxe inicialmente, ascenden a 316,6 millóns de euros. O concelleiro de Orzamentos e Facenda, Jaime Aneiros, asegura que “atenden a todas as necesidades” da cidade, ademais de afondar na “extraordinaria estabilidade” política e económica dunha urbe que conta con “débeda cero”.
luns, 30 out 2023
O Grupo Municipal Socialista defendeu investimentos “que foron constantemente reiterados”. Tamén se aprobou instar á Xunta a dar apoio á liña de alta velocidade Vigo-Ourense por Cerdedo, á que o Grupo Popular votou en contra.
luns, 30 out 2023
O Concello de Vigo acordou, cos votos dos edís do PSdeG-PSOE e do BNG e a negativa dos concelleiros do PP, instar á Xunta a incluír nos orzamentos de 2024 unha partida de 12 millóns de euros para afrontar a mellora integral dos centros de educación públicos.
luns, 30 out 2023
O edil de Facenda, Jaime Aneiros, deu conta no Pleno do estado da execución de gastos e ingresos do orzamento correspondente ao terceiro trimestre deste ano e do informe trimestral de Tesourería sobre o cumprimento dos prazos para o pago das obrigas.
luns, 16 out 2023
Os concelleiros dos tres grupos municipais que conforman o Pleno do Concello de Vigo gardaron este luns, ao arrincar a sesión extraordinaria, tres minutos de silencio en memoria das vítimas do incendio rexistrado o pasado día 11 nun edificio da rúa Alfonso X O Sabio, que se saldou con catro mortos dunha familia e varios feridos.
luns, 16 out 2023
O Pleno da Corporación Municipal aprobou este luns unha modificación orzamentaria de 5,8 millóns de euros para conceder 28.500 becas de libros de texto ao alumnado de Educación Primaria, Secundaria Obrigatoria, Formación Profesional Básica e Especial.
luns, 25 set 2023
Entrarán en vigor no ano 2024 para o pago durante o segundo semestre do próximo ano. O edil de facenda defendeu esta actualización “para manter as mesmas inversións e servizos”.
