xoves, 18 set 2025
O Pleno da Corporación de Vigo aprobou definitivamente este xoves, con 18 votos a favor do grupo socialista, 3 abstencións do PP e 3 negativas dos edís do BNG, a ampliación do orzamento municipal de 2025 en 72 millóns de euros. Vivenda, humanizacións en todos os barrios e parroquias, obras en colexios, melloras en instalacións deportivas, humanizacións e atención social, son os eixos dos investimentos.
venres, 12 set 2025
O Goberno Municipal de Vigo levou ao Pleno Ordinario do mes de agosto, celebrado hoxe, a proposta de festivos locais para o ano 2026. Tras a aprobación, quedarán fixados os seguintes días: sábado, 28 de marzo (Día da Reconquista) e luns, 17 de agosto (Primeiro día laborable tras a festividade de San Roque).
venres, 12 set 2025
A moción defendida pola concelleira Olga Alonso foi aprobada cos votos do Grupo Socialista e o Grupo do BNG. O Grupo Popular votou en contra. Tamén saíu adiante solicitarlle á Xunta unha asignación proporcional de fondos europeos segundo poboación e porcentaxe de PIB que xera a cidade.
luns, 11 ago 2025
O Pleno de Vigo aprobou este luns, con 18 votos a favor do grupo socialista, 4 abstencións do PP e 3 negativas dos edís do BNG, a modificación do orzamento en 72 millóns de euros con cargo aos remanentes municipais. A ampliación irá destinada a políticas de vivenda, obras en colexios, melloras en instalacións deportivas e humanizacións, entre outros proxectos.
luns, 28 xul 2025
Elena Espinosa destacou que “actualmente estamos ante unha crise sen precedentes na Atención Primaria”, polo que “é necesaria a reforma do modelo, pero o actual goberno autonómico ten nula intención, levando á perda de capacidade aos centros de saúde”.
luns, 28 xul 2025
A moción do Grupo Socialista explica que “se precisan investimentos inmediatos para a mellora, adaptación e modernización”. O Pleno tamén rexeitou os recortes docentes en Vigo e instou á Xunta a dotar de profesorado a todos os centros educativos da cidade que o precisen. Ambos os textos saíron adiante cos votos do Grupo Socialista e o Grupo do BNG. O Grupo Popular votou en contra.
luns, 28 xul 2025
O Pleno da Corporación Municipal aprobou hoxe, cos votos a favor do grupo municipal socialista, a abstención dos edís do PP e a negativa dos concelleiros do BNG, o novo modelo de xestión do servizo público de transporte urbano colectivo de Vigo, que supón implantar un contrato de servizos para facilitar prestacións directas á cidadanía e que permitirá unha maior flexibilidade na xestión e a intervención da administración.
luns, 28 xul 2025
A Corporación Municipal de Vigo aprobou hoxe, cos votos a favor dos grupos do PSdeG-PSOE e do PP e a abstención dos edís do BNG, a actualización do inventario municipal con bens valorados en preto de 720 millóns de euros.
luns, 30 xuñ 2025
A moción do grupo municipal socialista, que saíu adiante coa abstención da oposición, insta ao goberno autonómico a dotar nos Orzamentos do ano 2026 unha partida específica para a implantación nos xulgados de instrución de Vigo as gardas de 24 horas.
luns, 30 xuñ 2025
O Pleno Municipal do mes de xuño recolle as reivindicacións do colectivo LGTBI, que conmemora o seu Día Internacional o 28 de xuño.
