venres, 10 mai 2024
O alcalde deu conta da aprobación de xeito provisional do Plan Especial de Infraestruturas e dotacións que a Xerencia de Urbanismo dará luz verde o martes 14 de maio. A Biblioteca do Estado ten comprometido por parte do Goberno de España un orzamento de 22 millóns de euros.
martes, 7 mai 2024
Un estudo permitirá ao Concello de Vigo determinar se na cidade hai zonas con alugueiros moi caros, tal e como anunciou esta mañá o rexedor. As conclusións dese informe permitirán ao goberno local iniciar o procedemento para obrigar á Xunta de Galicia a buscar solucións dado que é a administración competente.
luns, 6 mai 2024
A Xerencia de Urbanismo aprobará mañá as bases das axudas para mellorar a accesibilidade en edificios residenciais. As comunidades ou grupos de propietarios poderán recibir achegas de ata 3.000 euros para instalar ascensores ou eliminar barreiras arquitectónicas.
venres, 26 abr 2024
O goberno local aprobará o martes que vén o Plan Especial de Infraestruturas e Dotacións da Biblioteca do Estado o que permitirá avanzar na construción desta dotación. En tres meses, o Concello estará en condicións de cederlle os terreos ao Ministerio de Cultura.
venres, 19 abr 2024
O alcalde mantivo unha xuntanza co secretario de Estado de Vivenda, David Lucas, na que propuxo ao Goberno de España colaborar na construción de vivenda de alugueiro taxado para a xuventude.
luns, 15 abr 2024
O alcalde achegouse esta mañá á parcela municipal de Esturáns na que se vai construír un edificio enerxeticamente eficiente distribuído en 27 novas vivendas que sairán ao mercado en réxime de alugueiro social. O Concello xa está redactando o proxecto e as vivendas estarán rematadas en xullo de 2026.
venres, 12 abr 2024
O Consello da Xerencia de Urbanismo aprobará inicialmente o Plan Especial de Infraestruturas e Dotacións para dotar ao centro educativo dunha nova entrada desde a estrada de Camposancos por un importe de 1,1 millón de euros.
martes, 9 abr 2024
Vigo contará en Esturáns cun edificio enerxeticamente eficiente distribuído en 27 novas vivendas que sairán ao mercado en réxime de alugueiro. O Concello sacará a concurso a construción de dereito de superficie sobre unha parcela municipal co obxectivo de que xestione esta iniciativa durante 50 anos.
luns, 25 mar 2024
O alcalde avanzou que o Diario Oficial de Galicia publica este luns a aprobación inicial do proxecto de reparcelamento da rúa Hernán Cortés na súa confluencia con María Berdiales e Doutor Colmeiro Laforet.
venres, 22 mar 2024
O alcalde celebra que a mocidade de Navia vaia dispoñer dun instituto na súa zona de residencia e valora que xa non “hai marcha atrás” na decisión da construción, logo da sinatura do convenio entre o Concello e a Xunta.