O alcalde achegouse ata o tramo final da autoestrada, onde puxo en valor o protocolo asinado co Ministerio de Transportes para a humanización da AP-9 desde Redondela ata a entrada na cidade. O Concello actuará no tramo entre Isaac Peral e Alfonso XIII, “cunha proposta que o anteproxecto e o proxecto definirán”.
O alcalde achegouse esta mañá á apertura do renovado tramo da senda fluvial do Lagares no polígono de Miraflores. Este treito conecta os dous tramos do río en Sárdoma logo dunha rehabilitación que garante a peóns e ciclistas transitar de forma segura.
O Concello avanza na posta en marcha da Empresa Municipal de Vivenda coa aprobación da memoria xustificativa. Parte dun capital inicial de 8,6 millóns aportados integramente polo Concello.
Caballero deu conta esta mañá da sinatura dun acordo de colaboración entre o Ministerio de Transportes e o Concello de Vigo para a mellora, integración e humanización da AP-9 e o seu contorno. O obxectivo é aumentar a permeabilidade con actuacións compatible coa seguridade viaria e o servizo da autoestrada.
O alcalde anunciou que presentará alegacións á aprobación inicial do Proxecto de Interese Autonómico e advirte de que a proposta da Xunta aumenta a edificabilidade sen máis zonas verdes e carece de espazos dotacionais. Tamén advertiu de que, ao ritmo actual, estas vivendas non estarán dispoñibles ata finais da década de 2030 ou incluso no 2040.
O importe máximo de subvención que poderá recibir unha vivenda é de 20.200 euros. Ademais de obras de rehabilitación, poderá financiarse a obtención do certificado de eficiencia enerxética e a contratación de seguros e avais.
O Goberno local suma 4,7 millóns ás contas do departamento municipal de Urbanismo para incrementar accións en materia de vivenda. O fomento do alugueiro e a construción de vivendas a prezo taxado acaparan a maior parte desta ampliación orzamentaria.
O rexedor deu conta do inicio da tramitación que permitirá acometer as primeiras 23 actuacións do plan de asfaltados que o goberno local ten en marcha por un importe de máis de 26 millóns de euros. O rexedor lembrou que este programa permitirá rehabilitar 372 rúas.
A maioría da Corporación deu luz verde a un proxecto que garante a seguridade xurídica, a convivencia veciñal e o dereito á vivenda. A ordenanza saíu adiante cos votos favorables do PSOE.
O número de vivendas rehabilitadas superará as 400 grazas ao Programa de axudas para a mellora da eficiencia enerxética. O número de actuacións xa executadas é de 244 ás que haberá que sumar outras 159 previstas en Coia cun orzamento de 2,7 millóns.