O Alcalde de Vigo, Ventura Pérez Mariño, destacou a importancia de que se analice e profundice sobre dereito laboral nunha cidade na que a industria é o motor da sociedade. Ao longo da inauguración das VII Xornadas de Outono de Dereito Social, promovidas por Xustiza e Sociedade, o rexidor fixo referencia ás deficiencias que padece Vigo en materia de dotacións xudiciais.
Os vintesete rapaces que hoxe ocuparon os asentos dos corporativos municipais no Pleno Extraordinario Infantil que se desenvolveu con motivo do “Día internacional dos nenos e das nenas” reclamaron a supresión das barreras arquitectónicas e o fomento da integración das persoas discapacitadas.
O Alcalde de Vigo, Ventura Pérez Mariño, asistiu hoxe á presentación de sete novos vehículos cos que a empresa concesionaria Vitrasa contribuirá á renovación da súa flota.
O concelleiro de Vía Urbana, Miguel Barros, participará na reunión do VI Buró Executivo da Conferencia de Cidades do Arco Atlántico que se desenvolverá o luns 17 de novembro en Xixón. No encontro, estudiarase un documento de estratexia sobre a acción da Conferencia nos próximos dous anos, ademais de abordarse temas vencellados á política rexional europea, á axenda das distintas comisións que integran este organismo.
O Alcalde de Vigo, Ventura Pérez Mariño, considera que a elección de Vigo como porto de saída da Volta ao Mundo de Vela merece que todos os grupos políticos e institucións relevantes da cidade unan as súas forzas para que Vigo sexa capaz de sacarlle o máximo proveito a este transcendental evento deportivo.
O Alcalde de Vigo, Ventura Pérez Mariño, asinou hoxe o convenio de colaboración coa Consellería de Educación para a execución das obras de construcción do centro público de Educación Primaria "Doutor Fleming". O documento, segundo o cal o Concello cederá Consellería unha parcela lindante co solar do colexio, permitirá o inicio das obras de remodelación do edificio, un dos colexios con máis alumnado de Vigo e un referente no ensino público na cidade pola súa localización e tradición.
O Alcalde de Vigo, Ventura Pérez Mariño, ven de asinar un convenio de colaboración entre o Instituto Galego de Vivenda e Solo e o Concello de Vigo en materia de actuacións na área de rehabilitación do Casco Vello de Vigo. O obxecto do convenio é establecer as bases de actuación conxunta e coordenada para rematar as actuacións da Área do Casco Vello de Vigo, que quedaron pendentes de realización do convenio que fora asinado en agosto de 2001 e que por falla de infraestructura administrativa non se puideron acometer.
O alcalde de Vigo, Ventura Pérez Mariño, avaliou a decisión do goberno luso de impulsar a posta en marcha do tren de alta velocidade con Galicia , e subliñou a importancia que suporá para a comarca de Vigo dispor dunha comunicación deste tipo. O alcalde facía estas manifestacións durante o acto de inauguración do certame multisectorial Vigofeira e do salón de Turismo Expogalaecia, que permanecerán abertos ao público ata o próximo domingo no Instituto Feiral de Vigo.
O Alcalde de Vigo, Ventura Pérez Mariño, agradeceulle a súa "altruísta contribución para que esta cidade mellore" aos voluntarios da campaña contra a dobre fila impulsada polo Concello.
O Alcalde de Vigo, Ventura Pérez Mariño, visitou hoxe as obras de humanización de O Calvario para comprobar os resultados e o grado de aceptación veciñal que ten a peonalización da zona. Acompañado polo concelleiro de Tráfico e Vías e Obras, Xulio Calviño e Miguel Barros, respectivamente, e máis a presidenta da Asociación de Comerciantes de O Calvario, Encarna Álvarez, Pérez Mariño explicou que o último tramo das obras finalizou unha semana antes dos noventa días previstos inicialmente.<br />