O alcalde, Lois Castrillo, asinou un decreto para adxudicar as obras do tramo superior de Eduardo Iglesias e Velázquez Moreno, dentro do proceso de humanización do contorno de Progreso.
Lois Castrillo presentou a nova cara da rúa Progreso
O alcalde de Vigo, Lois Castrillo, reclamou a urxente reunión da Comisión Especial de seguimento dos proxectos de Alta Velocidade para coñecer cales son os plans do Ministerio de Fomento para a conexión ferroviaria de Vigo con Ourense. Castrillo reclama seriedade ante as confusas e contradictorias declaracións realizadas nos últimos días por distintos responsables da Xunta e do Goberno central e considera que Fomento debe render contas do seu traballo ante a Comisión que se creou o 17 de xaneiro de 2002 para supervisar os proxectos do AVE.
O alcalde, Lois Castrillo, será o presidente de honra da fundación que rexerá a nova dotación museística situada en Alcabre dedicada á cultura marítima.
Esta noite coñecerase os gañadores das 24 categorías dos Premios Max das Artes Escénicas no transcurso dunha Gala que se celebra no teatro do Centro Cultural Caixanova e que organiza a Sociedade Xeral de Autores e Editores coa colaboración do Concello de Vigo. Aos galardóns a concurso engádense outros outorgados polo comité organizador: o premio de honra a Alfonso Sastres, o de teatro alternativo á Sala Yago de Santiago de Compostela e o hispanoamericano das artes escénicas ó chileno Marco Antonio de la Parra. En Galicia a Gala será retransmitida pola cadea de Localia televisión a partir das 21.30 h.
O coreógrafo Ramón Oller presentou as características da gala da VI edición dos Premios Max das Artes Escénicas que terá lugar o próximo luns, 5 de maio, no teatro do Centro Cultural de Caixanova e que conta coa colaboración do Concello de Vigo. Na presentación tamén estivo o alcalde Lois Castrillo e Javier Vidal, delegado xeral da SGAE en Galicia. Os galardóns, instaurados pola Sociedad General de Autores y Editores teñen como fin promocionar e reivindicar o mundo do teatro, a danza e o circo nas súas diferentes expresións.
O alcalde de Vigo visitou os muíños situados á beira do rio Eifonso, na parroquia de Bembrive, que acaban de seren rehabilitados polo Concello. A Concellería de Patrimonio Histórico foi a impulsora da recuperación deste conxunto etnográfico, un proxecto que contou co apoio da entidade local da parroquia.
O meirande escaparate do sector da automoción en Galicia ofreceralle aos visitantes a posibilidade de acceder á información sobre os últimos modelos automobilísticos chegados ao mercado.
O alcalde, Lois Castrillo, ratificou que os viais públicos de Coia son de titularidade municipal despois de comprobar que se fixo efectiva a cesión ao Concello dos que foron construídos por outras administracións. O alcalde envioulle unha circular a todos os servicios municipais comunicándolles que teñen que facerse cargo do mantemento de todos os servicios públicos situados nos viais públicos do barrio.
A celebración da gala da VI edición dos Premios Max no centro cultural Caixanova converterá a cidade de Vigo na capital teatral do Estado. Os días previos á gala, que será o luns 5 de maio, os vigueses poderán disfrutar de espectáculos de teatro na rúa organizados polo Concello que animarán as zonas centrais, portuarias e de praia da cidade. O alcalde Lois Castrillo e Mercedes Pascual, co-directora da productora Anexa, presentaron a semana de teatro na rúa con actuacións de grupos procedentes de Cataluña, Euskadi e Galicia.