O alcalde deu conta do inicio do proceso de licitación para adxudicar as obras de humanización da futura Praza de Martínez Garrido. Por importe de preto de 300.000 euros, renovarase o pavimento, iluminación e mobiliario, ademais de aumentar a zona de aparcamento.
O alcalde de Vigo achegouse esta mañá a unha das obras de accesibilidade que o Concello está a acometer en distintas rúas da cidade. Desde a rúa Padre Seixas, o rexedor explicou que esta obra de rebaixar os pasos de peóns forma parte un plan de supresión de barreiras arquitectónicas ao que o Concello adica 240.000 euros. <br />
O alcalde de Vigo deu conta esta mañá do plan inciado polo Concello para adaptar os pasos de peóns a persoas con discapacidade. Cun orzamento de 60.000 euros, o plan prevé a realización de rampas que salven o desnivel existente entre as beirarrúas e o pavimento da calzada.
O alcalde de Vigo supervisou hoxe luns os traballos de renovación 1,5 metros de tubería que se está a realizar na rúa Cordoeira na que é a primeira actuación nesta zona nos últimos 50 anos. Cun importe de 275.000 euros, renovouse o abastecemento e saneamento, ademáis de asfaltar máis de 2,5 kilómetros.
Segundo explicou Caballero durante unha visita á obra, o Concello xa ten prácticamente concluída a primeira fase da reforma -cun orzamento próximo ao millón de euros- e actualmente acomete a renovación do segundo tramo, entre a rúa Ourense e Doctor Marañón.
A partir de setembro poderán usarse as escaleiras mecánicas de II República no que suporá convertir "un proxecto do chamado Vigo Vertical do que se fala hai 25 anos nunha realidade". O rexedor presenciou esta mañá a instalación das escaleiras que, salvando un desnivel de preto de 10 metros, unirán a Porta do Solco Campo de Granada.
O goberno local iniciará en setembro obras de mellora en distintas zonas da cidade por un valor de máis de 5 millóns de euros. Ademais, tal e como explicou o concelleiro de Fomento, David Regades en rolda de prensa, de xeito inmediato comezarán obras por preto dun dous millóns de euros en no centro e nas parroquias, obras que se suman a outras xa en marcha e que ascenden aos 11 millóns.
Abel Caballero definiu hoxe o resultado das obras do tramo final de Jenaro de la Fuente como exemplo de humanización de cidade sostible. O importe dos traballos ascendeu a 250.000 euros e renováronse 200 metros de redes de saneamento.
Caballero deu conta este mércores da aprobación en Xunta de Goberno Local dos últimos trámites administrativos previos ao inicio das obras de reforma no entorno de Churruca e Don Bosco, por importe superior ao millón de euros. O alcalde salientou as decenas de postos de traballo xerados nestas dúas actuacións.
A Xunta de Goberno Local deu luz verde ao "proxecto de gran reforma de Balaídos" que conta cun orzamento de 4,2 millóns de euros, para as dúas primeiras fases. Respecto do finanzamento da remodelación total do estadio, o rexedor anunciou hoxe que lle vai facer unha petición de colaboración á Xunta de Galicia, á Zona Franca e ao Consello Superior de Deportes, ademais da Deputación de Pontevedra.