O Contencioso-Administrativo validou a constitución da Área Metropolitana e a elección de Caballero como presidente, rexeitando o recurso da Xunta, pero anulou o seu funcionamento ao estar supeditado a integrarse nun Plan de Transporte Metropolitano de Galicia que “non existe”. O alcalde: “Vou seguir defendendo a Vigo e farei o que sexa máis conveniente para esta cidade”
Contra o recurso da Xunta, o Contencioso-Administrativo sentenza que a constitución da Área, da súa asemblea e a designación como presidente do alcalde “foron válidos”. Ademais, o xuíz indica que o ente metropolitano funcionará cando o autobús urbano vigués entre nun Plan de Transporte Metropolitano que “non existe”, unha cláusula “de imposible cumprimento”, en verbas do alcalde.
O TSXG confirmou a suspensión cautelar do ente supramunicipal, sen valorar o fondo da cuestión, nin a legalidade da constitución nin a validez dos acordos. O alcalde ve no contencioso-administrativo interposto pola Xunta a pretensión de Núñez Feijóo de "paralizar" a Área Metropolitana de Vigo.
A Mancomunidade de Vigo reducirá nun 33% os pagos que achegan os concellos ao ente supramunicipal dado que a entidade ten remantes superiores a 1,5 millóns. Outra das decisións foi mandatar ao interventor para reclamar os pagos atrasados aos concellos que teñen débedas.
O alcalde convoca unha reunión dos rexedores e rexedoras da gran área metropolitana de Vigo co obxectivo de "intercambiar opinións" sobre os incendios e "poñer en común", por exemplo, "fórmulas" para solicitar axudas. A cita, que será o luns ás 11 horas na Alcaldía, procura a "colaboración" dos concellos, explicou Caballero, afastada dos "debates políticos": "é o momento dos acordos e da cooperación política".
Abel Caballero asistiu este venres ao descubrimento das placas das novas rúas "Vigo" e "Celta" en A Guarda, coa presenza do seu homólogo guardés, Antonio Lomba, e do presidente do Celta, Carlos Mouriño. O alcalde de Vigo amosouse "encantado" por un acto que significa o "estreitamento da relación e da amizade" entre a cidade olívica e A Guarda.
Abel Caballero reiterou esta mañá a existencia de contactos cos seus homólogos da Área Metropolitana para avanzar na concreción de acordos bilaterais sobre transporte metropolitano. Tal e como anunciou, o Concello manterá o seu compromiso de subvencionar o billete do autobús urbano cando os cidadáns entren ou saian de Vigo nun transporte interurbano, respectando o acordo sobre o transporte metropolitano que a Xunta "rebentou".
O alcalde anunciou este mércores que Vigo deixa sen efecto o convenio do transporte metropolitano polo "bloqueo" da Xunta na súa aplicación e proporá acordos bilaterais cos municipios para subvencionar o bus urbano dos que cheguen ou saian da cidade nun transporte interurbano. "Non imos castigar aos cidadáns pola negativa da Xunta a aplicar o transporte metropolitano", concluíu. <br />
Os membros do goberno da Área Metropolitana avanzaron esta mañá no Plan de Traballo cuadrienal coa constitución de cinco comisións que dotarán de contidos este programa marco. Tal e como detallou o rexedor, traballarase no eido da economía, do emprego, do social, das infraestruturas e do turismo e da administración.
A Xunta de Goberno Metropolitana reuniuse este mércores en sesión extraordinaria na que acordou presentar recurso de alzada ante o rexeitamento da Xunta de Galicia de inscribir o ente no Rexistro de Entidades Locais. Tamén abordou o Plan Cuadrienal de actividades da Área e solicitou á Xunta de Galicia a designación dos membros do Comité do Transporte Metropolitano e da Comisión de Urbanismo.