Considera o rexedor vigués que a Área Metropolitana debe "constituírse de forma inmediata" tras coincidiren 14 municipios na idoneidade do modelo proposto polo Concello vigués e móstrase disposto a reunirse con calquera alcalde ou alcaldesa que queira tratar a posta en marcha do ente supramunicipal.
As alcaldesas de Moaña e Tomiño, Leticia Santos e Sandra González respectivamente, e o rexedor de Cangas, Xosé Manuel Pazos, concordan con Abel Caballero na necesidade de reformar con urxencia a Lei de Área Metropolitana, nas competencias e na forma de gobernar o ente supramunicipal, que para o alcalde vigués supón "un salto e un paso histórico neste territorio".
O alcalde de Vigo recibiu este luns aos seus homólogos de Ponteareas e Salceda, Xosé Represas e Marcos Besada, respectivamente, quen manifestaron a súa conformidade co Proxecto de Lei do ente supramunicipal, cos pasos a seguir e coa gobernanza co voto ponderado, amais concordan na necesidade de que o transporte metropolitano sexa asumido pola Xunta de Galicia.
O alcalde de Vigo anunciou hoxe xoves que manterá este sábado un encontro cos seus homólogos e homólogas de Nigrán, O Porriño, Gondomar, Tui, A Guarda, Vilaboa, Mondariz e Fornelos, xunto aos primeiros tenentes de alcalde de Ponteareas e Moaña. O luns, Caballero reunirase cos rexedores de Ponteareas e Salceda e o martes, cos máximos responsables de Cangas, Moaña e Tomiño.
O alcalde de Vigo anunciou o envío, hoxe venres ou como tarde o luns, dun proxecto de lei de Área Metropolitana ao presidente da Xunta de Galicia, Alberto Núñez Feijóo, un texto que contará con modificacións consideradas necesarias tras as reunións mantidas con rexedores do entorno. O obxectivo de Caballero é "desatascar" e levar adiante a Área Metropolitana de Vigo.
Caballero ve "moi maduro" o acordo como para ser abordado nun encontro bilateral entre o alcalde e o presidente da Xunta de Galicia e poder "pechar definitivamente" a modificación da lei que poña en funcionamento a Área Metropolitana. Este xoves celebrouse unha reunión entre David Regades e Carlos Font co director xeral de Administración Local e o delegado autonómico na cidade.
O alcalde recibiu este mércores ao seu homólogo de Ponteareas, Xosé Represas, quen lle manifestou a intención de formar parte do ente supramunicipal, que valora en positivo e co que concorda na forma proporcional de participación. Caballero apoia esta solicitude e augura que se camiña cara unha Área de 20 municipios, o que supón unha poboación de arredor de 550.000 habitantes "en consecuencia, unha das grandes zonas urbanas de toda España".
Abel Caballero mantivo esta mañá un encontro con 18 alcaldes da área -14 que forman parte do ente supramunicipal e 5 aspirantes- no que constatou o acordo do 80% do territorio -en termos poboacionais- de defender a proporcionalidade do voto no goberno da área. Na súa opinión, a maioría dos rexedores avogan por retomar o consenso do proxecto que levaron ao Parlamento os gobernos de Manuel Fraga e Alberto Núñez Feijóo e que foi aprobado anteriormente en todos os concellos. <br />
Co fin de intercambiar impresións sobre o desenvolvemento da Área Metropolitana de Vigo e demandar celeridade na constitución da mesma á Xunta de Galicia, o alcalde convoca aos rexedores a unha xuntanza que se celebrará o próximo xoves 22 de outubro na cidade olívica. Segundo explicou o rexedor, xa hai 12 concellos que confirmaron a súa asistencia mentres continúa a rolda de chamadas para convocar aos restantes.
Os alcaldes de Vigo e Mondariz mantiveron esta mañá un encontro no que, Xoán Carlos Bugarín lle trasladou ao rexedor de Vigo o interese deste municipio por formar parte da área metropolitana. Tal e como lle explicou, integrarse neste ente supramunicipal é a mellor ferramenta para facilitar as comunicacións.