Caballero confía en que a Xunta acepte o acordo acadado polos alcaldes da área metropolitana

martes, 2 feb 2016

O rexedor de Vigo acudirá mañá á reunión da área metropolitana co conselleiro de Presidencia, Alfonso Rueda, coa confianza de que a Xunta acepte os cambios á lei pactados por unanimidade entre os alcaldes. Respecto do transporte metropolitano, asegurou que o ente supramunicipal comezará a traballar tan pronto se aprobe a modificación de lei, avanzando que Vigo "estará de cheo nese proxecto".

Caballero constata un "acordo practicamente total" entre os alcaldes da Área Metropolitana

luns, 1 feb 2016

Á reunión celebrada este luns en Vigo acudiron 16 rexedoras e rexedores que manifestaron o seu acordo co sistema de goberno do ente con representación proporcional corrixida e voto cualificado de catro concellos de 14, co sistema de financiamento e coa asunción de competencias gradual e voluntaria. Tamén concordan no feito de que a Área asuma o transporte interurbano e desenvolva un plan de transporte propio coordinado co urbano de Vigo.

Caballero confía en pechar o luns con 15 alcaldes o "freco final" para acordar a Área Metropolitana

venres, 29 xan 2016

Quince alcaldes e alcaldesas da área viguesa manterán o próximo luns unha reunión para "proceder á fase final do acordo", en verbas do alcalde de Vigo, quen trasladará unha proposta sobre transporte que "resolverá o problema" existente. Caballero reiterou que calquera outro rexedor/a dos 28 municipios do territorio que queira asistir á reunión do luns "é benvido".

Abel Caballero apoia o interese de As Neves por integrarse na Área Metropolitana

luns, 4 xan 2016

O rexedor de As Neves, Xosé Manuel Rodríguez Méndez, manifestou a vontade do seu concello por integrarse no ente supramunicipal e o seu acordo co borrador de Área Metropolitana defendido por Vigo. O alcalde vigués destacou que xa son 15 os concellos que concordan co texto e anunciou un encontro de todos eles a próxima semana para escenificar esa postura común coa Área Metropolitana.