Abel Caballero apoia o interese da Guarda de incorporarse á Área Metropolitana

mércores, 16 set 2015

Logo de manter este mércores unha entrevista co alcalde da Guarda, Antonio Lomba, o rexedor vigués manifestou que "defenderá" a presenza deste concello na Área Metropolitana no caso de que solicite formalmente a súa inclusión. Ademais, Caballero salientou o feito de que arestora hai acordo entre os rexedores de concellos que gobernan 443.000 habitantes para modificar a lei e constituír a Área.

O alcalde reclama por carta a Feijóo contestación á proposta de reforma da lei de Área Metropolitana

venres, 4 set 2015

Abel Caballero anunciou este venres o envío dunha carta ao presidente da Xunta de Galicia solicitándolle unha resposta ao planteamento de modificación da lei de Área Metropolitana de Vigo. O alcalde vigués recordou que, segundo o acordado na reunión bilateral Caballero-Feijóo, a mediados de xullo remitiulle a proposta, avalada agora por rexedores que representan a máis do 80% da poboación da área metropolitana.

Alcaldes que representan o 87% da poboación da Área Metropolitana urxen a modificación da lei

xoves, 3 set 2015

Tras unha entrevista co alcalde de Salceda, Abel Caballero fixo balance este xoves das reunións mantidas ata agora con rexedores que representan ao 87% da poboación da área metropolitana viguesa e subliñou que todos "compartimos ao 100% o modelo" e a necesidade urxente de reformar a lei existente para que poida funcionar e dotarse de competencias, como o transporte.

Caballero insta a Xunta e Deputación a asumir a subvención do transporte público intermunicipal para os habitantes da área

xoves, 23 xan 2014

O alcalde ratificou este xoves ao voceiro socialista de Redondela, Eduardo Reguera, a decisión do goberno local de limitar as subvencións ao transporte público para os cidadáns empadronados en Vigo que pagan na cidade os seus impostos. Ao longo da reunión que mantiveron a petición do edil redondelá, Caballero reiteroulle a súa disposición a asinar convenios cos concellos da área para que financien as achegas dos seus cidadáns, ao tempo que destacou que a competencia do transporte intermunicipal é da Xunta e da Deputación de Pontevedra.