O goberno local aprobou o proxecto para humanizar a II fase de Gregorio Espino cun importe de case 500.000 euros e un prazo de execución de catro meses. Na mesma Xunta de Goberno, tamén se deu conta da clasificación de ofertas para a contratación do servizo de atención domiciliaria á infancia, dotado de 316.396,86 euros.
O alcalde deu conta esta mañá do "avanzado" que está o convenio que vai a asinar co Ministerio de Fomento para humanizar a Avenida de Madrid. Tal e como avanzou, os traballos ascenderán a uns 10 millóns de euros, dos que 7 lle corresponderán ao Goberno Central, mentres que os 3 restantes serán asumidos polo Concello.
O alcalde avanzou hoxe venres que o Ministerio de Fomento asumirá a humanización da Avenida de Madrid cun proxecto valorado en 9 millóns de euros. Deste xeito, Vigo contará cun novo acceso á cidade en dous anos e medio, prazo no que se prevé acometer as obras, que irán desde o Seminario ata a Praza de España.
Despois dunha reunión celebrada o pasado venres entre o goberno de Vigo e o Ministerio, o alcalde anunciou este luns que existe preacordo para reformar a Avenida de Madrid, pendente de definir o escenario final nunha reunión na que Abel Caballero solicitará a Ana Pastor a humanización de toda a vía, desde o Seminario ata a Praza de España. <br />
O alcalde selou un acordo este xoves coa Confederación Galega de Persoas con Discapacidade a través do cal a entidade asesorará en materia de accesibilidade ao goberno local e revisará os proxectos de obra nova e humanizacións "para que a accesibilidade sexa unha constante no desenvolvemento da cidade".
O Concello, a través de FAIMEVI, desenvolve o Proxecto GreenPlay, financiado con 1,7 millóns pola Unión Europea e presentado hoxe xoves polo alcalde de Vigo. O aforro enerxético procúrase coa concienciación cidadá, mediante un xogo online. Está aberto o proceso de selección das setenta vivendas participantes, que contarán con sensores para monitorizar o consumo eléctrico a tempo real. <br />
O alcalde avanzou esta mañá a aprobación dos proxectos de humanización de Doutor Corbal e a II fase de Ferreiros o que permitirá comezar coas obras este verán. O goberno local, asimesmo, deu luz verde á contratación dos servizos de xestión do programa de Vigo en inglés, dotado con 1,4 millóns de euros.
O alcalde de Vigo anunciou este martes catro novos proxectos de conexión vertical que previsiblemente arrincarán este mesmo ano. Na súa opinión, seguir avanzando no Vigo Vertical é unha forma de compactar a cidade, salvando dificultades orográficas.
O alcalde informou este venres da aprobación dos últimos trámites administrativos previos ao inicio, en aproximadamente dúas semanas, dos traballos de reparación do muro na traza do Canal de Eiras, do ancheamento do estreito da Pidival, na Avenida Santa Mariña e a humanización de Marqués de Valterra.
O alcalde deu conta esta mañá da adxudicación da remodelación da grada de Tribuna, por importe de 4,6 millóns. Tamén hoxe mesmo, se celebrou a primeira reunión técnica entre Concello e Zona Franca para avanzar la petición do goberno local de que o Consorcio financie a reconstrución de Marcador, cun aparcamento anexo que lle permitiría recuperar o investimento.