O alcalde de Vigo, Abel Caballero, acudiu na mañá deste mércores a María Berdiales para supervisar a evolución dos traballos de humanización que acomete o Concello nunha rúa "no corazón de Vigo" que "sufría afundimentos continuos". Nesta visita, avanzou, asimesmo, que a rúa Manuel Núñez terá o tráfico restrinxido para residentes.
O alcalde de Vigo visitou hoxe martes os traballos de mellora que está a levar adiante o Concello na Avenida da Florida, como parte do Plan Verde municipal, que conta cun orzamento próximo ao millón de euros. En base a esta actuación, o goberno de Vigo habilita zonas axardinadas en distintos puntos do nomeado vial e mellora as redes de abastecimento e saneamento.
O alcalde de Vigo, Abel Caballero, visitou este mércores a humanización da Avenida, entre Alfonso XIII e Serafín Avendaño, practicamente concluída na beirarrúa do lado terra, cun investimento de 2 millóns. A mellora continuará coa outra beirarrúa e incorpora elementos smart, como iluminación verde ou vermella nos pasos de peóns, sincronizada cos semaforos, e un punto de carga para móbiles.
O alcalde visitou esta mañá o entorno de Churruca onde se humanizaron as rúas Martín Códax, Iglesias Esponda, Irmandiños e o calexón Rogelio Abalde. En declaracións aos medios, eloxiou o resultado das obras e reiterou que se trata dunha rúa semipeonil con tráfico exclusivo para residentes e carga e descarga.
O alcalde achegouse esta mañá á rúa Rosalía de Castro onde reiterou que esa humanización representa "o modelo de cidade que queremos". Durante a visita avanzou que nos próximos meses vaise iniciar a remodelación de todas as rúas adxacentes.
O alcalde de Vigo achegouse á Praza de Peniche na que se investiron 175.000 euros. Durante a visita, felicitou ao "maestro" Antón Pulido polo deseño que converteu o antigo cruce de Peniche "nunha das mellores zonas de arte urbano do mundo".
Abel Caballero invitou á cidadanía a achegarse a Castrelos tras informar da apertura esta tarde do "gran parque infantil", unha vez rematados os traballos de mellora. O alcalde informou tamén da planificación das obras en marcha, subliñando que esta semana finalizarán as humanizacións de Rosalía de Castro, Camelias ou Gregorio Espino, entre outras.
Abel Caballero informou este martes dos traballos de pavimentación que ten en marcha e programados o goberno da cidade para as próximas datas. Unha ducia de rúas están xa a ser asfaltadas ou comezarán en próximas datas: Lepanto, Médico José Mato, Puerto Rico e Padre Feijóo, Progreso, Manolo Martínez, Álvaro Cunqueiro, Cañiza, Buenos Aires, a Avenida de Madrid, Rosalía de Castro e Camelias. O alcalde indicou que a previsión é concluir as obras entre esta e a vindeira semana.
Segundo informou este mércores o alcalde de Vigo, a Xunta de Goberno Local validou a clasificación de ofertas -a antiga adxudicación provisional- para a contratación das obras de asfaltado destes catro viais da cidade. O Concello de Vigo investirá nestas melloras un total de case 462.000 euros.
Abel Caballero informou este martes da toma de coñecemento na Xunta de Goberno Local da fase final das humanizacións das rúas Gerona, Aragón e Gregorio Espino, ademais de dar conta da "nova ampliación orzamentaria" para a reforma integral do estadio de Balaídos, por 1.680.000 euros.