martes, 12 mai 2015
Abel Caballero informou este martes dos traballos de pavimentación que ten en marcha e programados o goberno da cidade para as próximas datas. Unha ducia de rúas están xa a ser asfaltadas ou comezarán en próximas datas: Lepanto, Médico José Mato, Puerto Rico e Padre Feijóo, Progreso, Manolo Martínez, Álvaro Cunqueiro, Cañiza, Buenos Aires, a Avenida de Madrid, Rosalía de Castro e Camelias. O alcalde indicou que a previsión é concluir as obras entre esta e a vindeira semana.
mércores, 6 mai 2015
Segundo informou este mércores o alcalde de Vigo, a Xunta de Goberno Local validou a clasificación de ofertas -a antiga adxudicación provisional- para a contratación das obras de asfaltado destes catro viais da cidade. O Concello de Vigo investirá nestas melloras un total de case 462.000 euros.
martes, 5 mai 2015
Abel Caballero informou este martes da toma de coñecemento na Xunta de Goberno Local da fase final das humanizacións das rúas Gerona, Aragón e Gregorio Espino, ademais de dar conta da "nova ampliación orzamentaria" para a reforma integral do estadio de Balaídos, por 1.680.000 euros.
luns, 4 mai 2015
O alcalde de Vigo informou da aprobación en Xunta de Goberno Local de catro propostas medioambientais incluídas no Plan Verde municipal: a mellora ambiental na Florida, a reforma da senda da auga, o parque de enerxías renovables en Navia e a adecuación do paseo fluvial do Lagares. Abel Caballero avanzou que as obras darán comezo entre ésta e a próxima semana, sumando un investimento de 960.000 euros.
luns, 27 abr 2015
O alcalde de Vigo informou este luns do calendario de traballo estimado nas obras de humanización da terceira fase da Avenida das Camelias e de Rosalía de Castro. Segundo indicou Caballero, a reforma da primeira finalizará a mediados de maio mentres que remodelación da segundo estará concluída a finais do próximo mes.
xoves, 23 abr 2015
A Xunta de Goberno Local, tal e como informou este xoves Abel Caballero, validou os proxectos de mellora das rúas Becerreira (Cabral), Estrada Portal (Valladares), Fonte Escura (Candeán) e Areeiro (Sampaio) por valor total superior aos 300.000 euros, segundo deu conta o alcalde.
mércores, 22 abr 2015
O edil de Fomento informou das datas de finalización prevista para as reformas en marcha e de comezo dos traballos planificados. Segundo expuxo Regades, as obras de Ramón Nieto, Santa Marina, Pedreira, Manuel Costas Bastos, Subida á Madroa, Subida á Monteira, Seixo, Roteas de Abaixo e Subida (Sampaio), Gandarón, Camiño Fermín, Camiño Gándara, Camiño do Fondo, o acceso ao pavillón de Coruxo e a cuberta das escaleiras mecánicas quedarán abertas ao longo desta semana.
venres, 17 abr 2015
Despois da Xunta de Goberno Local celebrada este venres, o alcalde deu conta dos principais asuntos, entre os que subliñou a toma de coñecemento das actas de comprobación de replanteo de distintas obras, que xa están en marcha, por importe superior ao millón de euros e un emprego creado estimado en 140 traballadores.
xoves, 16 abr 2015
Segundo revelou este xoves o alcalde de Vigo, a Xunta de Goberno Local tomou coñecemento dos traballos que ultima o Concello para cubrir as escaleiras mecánicas da Porta do Sol. Abel Caballero datou a súa reapertura para o próximo 23 de abril, despois de suspenderse temporalmente o seu funcionamento durante as obras de instalación da cuberta, por motivos de seguridade.
martes, 7 abr 2015
Unha vez recibida a autorización de Fomento o pasado 1 de abril, Abel Caballero informou esta mañá do inicio dos traballos de mellora dos carrís exteriores do principal acceso á cidade, toda vez que o Concello recibiu hoxe un escrito do Ministerio rexeitando facerse cargo da humanización de toda a Avenida.