Abel Caballero avanzou esta mañá que as obras de humanización que o Concello iniciará no que resta de ano ascenderán a 27 millóns de euros. Así o dixo durante unha visita aos traballos que se están a acometer en García Barbón cun orzamento de máis de dous millóns de euros.
A Xunta de Goberno Local aprobou o proxecto de obras para instalar as escaleiras mecánicas entre a Porta do Sol e a rúa Abeleira Menéndez continuando o programa Vigo Vertical de mellora da accesibilidade na cidade. Amais saíu adiante o proxecto de execución das obras de acondicionamento da praza superior do Mercado do Progreso cun presuposto de 89.000 euros.
Segundo informou Caballero este mércores, o goberno local vén de aprobar os proxectos para novas humanizacións na Avenida de Galicia, na rúa Bueu e en Rosalía de Castro por un importe total de 1.354.000 euros. Tamén validou case dous millóns para asfaltados e 365.000 euros para renovar equipos de Bombeiros
Abel Caballero rubricou este martes o acordo cos responsables de Aqualia, segundo o cal se concederá cen euros mensuais durante seis meses ás familias en situación de exclusión social, adicando a este plan un total de 30.000 euros. <br />
A Xunta de Goberno Local deu o visto bo á contratación das obras de humanización do tramo de Camelias comprendido entre Doutor Marañón e Juan Ramón Jiménez. Caballero explicou tamén que o Concello contactará coa familia viguesa que pasou a noite na rúa que é usuaria dos servizos sociais dende finais do ano pasado.
Abel Caballero deu conta hoxe luns da posta en marcha de varias obras de humanización no centro da cidade como é o caso das rúas Esperanto e Tomás Alonso, que veñen de iniciarse, e do asfaltado de diferentes vías nas parroquias que supoñen "o maior asfaltado feito nunca na historia da cidade no ámbito rural". <br />
Abel Caballero deu conta esta mañá de luns do inicio dos traballos que permitirán que o Auditorio Mar de Vigo acolla a sede da UNED en Vigo así como a "maior sala de lectura da cidade". A Deputación de Pontevedra é a administración que sufragará estas obras, orzamentadas en 466.000 euros, ás que hai que sumar outros 200.000 euros para dotación de mobiliario.
Hoxe luns comeza a Liga no estadio municipal de Balaídos cunha luz "un 30% mellor" á da tempada anterior. Así o asegurou esta mañá Abel Caballero en rolda de prensa, quen avanzou que a remodelación do campo -orzamentada en 32 millóns- incluirá a nova iluminación 4D.
O alcalde e a presidenta da Deputación asinaron este xoves un convenio de colaboración para a renovación de firmes por case un millón de euros, principalmente en vías do rural vigués. Tanto Abel Caballero como Carmela Silva subliñaron a "total cooperación" existente entre ambas institucións. <br />
Segundo informou o rexedor, esta é a previsión de uso do Estadio Municipal que estima o Concello conforme á evolución das obras que se están realizando no mesmo. A grada de Tribuna quedará habilitada na súa totalidade para o segundo encontro do Celta en Balaídos, o 11 de setembro, fronte ao Atlético de Madrid.