O festival Sinsal inicia o vindeiro venres a súa edición de outono coa actuación dos norteamericano Vic Chesnutt e Elf Power no Centro Cultural Caixanova. O concelleiro de Cultura, Xesús López, salientou na presentación o importante papel que este certame xoga no ámbito cultural da cidade, xa que todos os artistas é a primeira vez que actúa en Vigo.
Esta semana é a última na que permanecerá aberta ao público a exposición ‘O MEDIO É O MUSEO’, un proxecto dos novos comisarios galegos Pedro de Llano e Pablo Fanego, coproducida polo MARCO de Vigo e o Koldo Mitxelena Kulturunea de San Sebastián, que dende o 20 de xuño ocupa as salas da planta baixa, e que se clausura o domingo 21 de setembro.
Ata o día 1 de novembro, os artistas galegos ou residentes en Galicia, menores de 36 anos, poden presentar os seus proxectos expositivos, pensados para a Sala B da Fundación Laxeiro, e participar así na convocatoria das Bolsas á creación artística que convoca a Fundación Laxeiro co patrocinio da Fundación Feima.
O concelleiro de Cultura, Xesús López, anunciou hoxe que o programa municipal "Vigo a escena" premitirá que os barrios e parroquias da cidade gocen con 39 actuacións teatrais ata que remate o ano. O concelleiro salientou que con esta iniciativa se presigue o dobre obxectivo de "democratizar a oferta cultural, achegándoa a toda a cidadanía", ao tempo que apoiar as compañías teatrais da cidade".
Os próximos días 11 e 18 de setembro terá lugar no museo Verbum Casa das Palabras, dúas mesas redondas sobre "A busca das condicións obxectivas na Universidade de Santiago de Compostela" e "O 68 Compostelán e as súas Consecuencias".
A Casa Galega da Cultura acolle do 9 ao 21 de setembro a mostra "Diálogos en Cor" que vén sendo presentada con éxito en diversas localidades europeas, amosa a obra gráfica de diversos artistas do continente diagnosticados con Trastornos do Espectro Autista (TEA).A exposición está organizada pola Fundación Menela, a concellerís de Cultura e a Universidade de Vigo.
A Casa das Artes acolle unha exposición do artista Xosé Guillermo composta por unha seleción de 116 obras, 96 pinturas e 20 esculturas realizadas desde o ano 1967 ata o 2008. A exposición chámase "Danza nos tempos" e se pode visitar desde o martes 2 ata o 28 de setembro.
O departamento educativo do MARCO presenta unha exposición didáctica con selección dos traballos realizados polos participantes nos obradoiros infantís de verán, ‘TI ES O MUSEO’, que finalizan nesta data, e que estiveron en marcha dende o 8 de xullo.
Ata o 1 de setembro pçodese ver na Casa das Artes a exposición "De Vigo a Bos Aires, Laxeiro e a pintura galega de posguerra", unha mostra colectiva que narra o ambente intelectual e artístico da cidade de Vigo durante a década dos anos corenta.
Dende o vindeiro sábado, 30 de agosto, os concertos das bandas de música que se celebrarán no marco do programa "Ciclo de música bailable" en Bouzas celebraranse ás 20.30 horas, segundo anunciou este mércores o concelleiro de Cultura, Xesus López.