Do 24 de outubro ó 4 de xaneiro poderase visitar no espazo anexo do Marco unha proposta de Suso Fandiño que parte dun dos símbolos da cidade como é a fábrica que PSA Peugeot Citroën posúe en Vigo.
Os días 23,24 e 25 de outubro celebrase no Verbum a V edición do certame de documental e vídeo Secuenciacero no que se poderá ver as últimas creacións e tendencia en curtametraxes, documentais,videocreación, videoinstalación e maxia.
A primeira Mostra de Arte Téxtil e Patchwork pode visitarse ata o vindeiro domingo na Casa da Cultura e o Centro Cívico do Casco Vello. A exposición, que reúne as obras de creadoras de arte téxtil, xa foi visitada por dúas mil persoas dende a súa apertura, o pasado día 16 de outubro.
O próximo 23 de outubro comeza no MARCO o programa audiovisual da XIX edición de ArtFutura, o Festival de cultura e creatividade de referencia en España, cun extenso programa que explora os proxectos e as ideas máis importantes xurdidas no último ano no panorama internacional dos new media, o deseño de interacción, os videoxogos e a animación dixital.
A sala de exposicións temporais do Museo Municipal Quiñones de León acolle dende mañá, 22 de outubro, a mostra "Enxeñeiros de Camiños, Canles e Portos de Vigo", na que os visitantes poderán coñecer polo miúdo o labor que na cidade desenvolveron os enxeñeiros de camiños, canles e portos durante o último século. A exposición poderá visitarse de martes a sábados de 17 a 20 horas e os domingos e festivos de 10 a 13.30 horas ata o día 23 de novembro.
A veciñanza de Cabral e San Miguel de Oia poderán gozar este domingo das representacións teatrais que integran a programación para adultos do "Vigo a Escena", que organiza a Concellería de Cultura do Concello de Vigo. No caso de Cabral, a compañía Sísifo Teatro interpretará a obra "Parella aberta", mentres que en Oia a compañía Teatro Avento levará a escena a obra "A insólita historia de Jimmy Pelostristes".
O festival Are More 2008, que cumpre a súa novena edición, abrirá o vindeiro 30 de outubro coa actuación de Diego el Cigala no Teatro Salesianos. O ciclo adicado ás mulleres e a homenaxe ao compositor Eduardo Soutullo conforman alunhas das novidades do Are More "máis rompedor", segundo o cualificou o tenente de alcalde, Santi Domínguez, na súa presentación, quen estivo acompañado polo concelleiro de Cultura, Xesus López, a vicerreitora de Extensión Universitaria, Carmen Cabezas, a representante da Fundación Caixa Galicia, Gloria Lago, e o director artístico do festival, Roberto Relova.
O concelleiro de Cultura, Xesus López, anunciou este xoves a convocatoria do primeiro Premio Pacheco-Prósperi de Ensaio, dotado con 11.000 euros e enmarcado nas actuacións que se están a desenvolver para acadar a posta en valor do arquivo. "Coa convocatoria deste premio estamos a cumprir cunha das obrigas adquridas polo Concello de Vigo no momento da súa adquisición", salientou o edil.
‘Xentes, espazos e lugares’ é un curso que se celebrará do 4 de novembro de 2008 ao 23 de maio de 2009, organizado conxuntamente polo Colexio Oficial de Arquitectos de Galicia, e o MARCO, coa colaboración de Xerencia de Urbanismo do Concello de Vigo, que se enmarca no convenio de colaboración asinado pola Delegación do COAG en Vigo e a Fundación MARCO.
Neste inicio do mes de outubro dá comezo no MARCO a programación de actividades didácticas desta nova tempada 2008-2009, organizada polo departamento educativo, e que inclúe tanto os programas de fin de semana para familias como a programación de visitas e obradoiros para escolares.