O museo Verbum – Casa das Palabras propon para as mañás dos domingos do mes de outubro sesións de contacontos galegos a cargo de dúas profesionais da narración oral: Paula Carballeira e Eva Cabo.
Dende o vindeiro 7 de outubro e ata o 30 de novembro, en horario de martes a domingo de 10 a 19<br /> horas, o museo Verbum de Vigo albergará unha exposición adicada á figura do escritor Celso Emilio<br /> Ferreiro.
Amosar as expresións artísticas das persoas con necesidades educativas especiais nun espazo tan especial como pode ser un autobús urbano configura un dos obxectivos da mostra "Encontros diverxentes", inaugurada este xoves na Praza da Independencia e que a partir do 9 deste mes de outubro comezará o seu percorrido polas diferentes cidades galegas.
A Casa das Artes acolle desde o día 2 de outubro a exposición das obras do XIII Maratón Fotográfico Concello de Vigo que se celebrou, dentro da programación das Festas do Cristo o pasado día 10 de Agosto.
Co obxectivo de sensibilizar a cidadanía sobre a enfermidade do alzheimer a Casa das Artes acolle dende hoxe e ata o vindeiro 10 de outubro a exposición itinerante "Xente De Mente". Na presentación da mostra, o concelleiro de Cultura, Xesus López, salientou a importancia de desenvolver iniciativas como esta, xa que na cidade de Vigo existen arredor de 5.000 persoas diagnosticadas con esta enfermidade.<br /> <br />
As XVIII Xornadas de Filosofía centrarán esta nova edición no debate e análise da trioloxía que forman "Sociedade, economía e ideoloxía", e que da nome as sesións de traballo que se desenvolverán do 14 ao 17 de outubro na Fundación Caixa Galicia. Este ano participarán nas xornadas destacadas figuras do pensamento contemporaneo como Aurelio Arteta, Manuel Atienza, Salvador Giner, Jesús Zamora, Jesús Mosterín, Emilio Llano de Espinosa, Fernando Vallespín e Xosé Luis Barreiro Rivas.
O Marco inaugura a mostra colectiva colectiva ‘A GRANDE TRANSFORMACIÓN. Arte e maxia táctica’ que se pode visitar desde o día 19 de setembro ata o 11 de xaneiro. A exposición reúne preto dunha trintena de pezas, entre fotografías, vídeos, películas, instalacións, pezas escultóricas, e a performance Feedback - Jack of Many Trades, do grupo de artistas Ride.1, que terá lugar na xornada inaugural.
O MARCO, Museo de Arte Contemporánea de Vigo, deu a coñecer a programación que terá lugar nos próximos meses: exposicións temporais, concertos e festivais, programación audiovisual, programación didáctica, cursos e talleres, actividades da Biblioteca-Centro de Documentación e da Agrupación de Amigos do MARCO, entre outras actividades.
O festival Sinsal inicia o venres a súa edición de outono coa actuación dos norteamericano Vic Chesnutt e Elf Power no Centro Cultural Caixanova. O concerto comezará ás 21.00 horas con entrada de 10 euros; desconto do 50% para estudantes e membros da comunidade universitaria de Vigo.
O xoves día 18 de setembro terá lugar no museo Verbum Casa das Palabras, a mesa redonda "O 68 Compostelán e as súas Consecuencias", última mesa na que os participantes comentarán a influencia que tivo este movemento nas súas vidas.