xoves, 17 xul 2008
O éxito da mostra "Álvarez Blázquez, arqueólogo de Vigo", instalada no Museo de Castrelos co gallo da súa homenaxe no Día das Letras Galegas 2008, motiva a ampliación da súa exposición ao público ata o 7 de setembro, segundo anunciou este xoves a concelleira de Patrimonio Histórico, Elena Maure. A edil do BNG explicou hoxe que máis de 2.000 persoas visitaron xa a mostra dende a súa inauguración o pasado mes de maio. <br />
xoves, 17 xul 2008
O evento servirá de edición ponte cara ao Festival Internacional de Clown de Galicia que se instalará definitivamente en Vigo a partires do vindeiro ano<br />
<br />
A cidade de Vigo volverá a ser un referente no ámbito cultural e na formación artística grazas á celebración do Mundoclown 2008. Así o anunciou esta maña o concelleiro de Cultura, Xesús López, durante a presentación deste importante evento, na que estivo acompañado por Francisco Rey, da Cooperativa Cultural, e Yolanda Díaz, representante da Obra Social Caixa Galicia. <br />
mércores, 16 xul 2008
Co obxectivo de dotar á cidade de Vigo dunha programación estable de teatro, e das artes escénicas en xeral, a Concellería de Cultura e Animación Sociocultural iniciará en aproximadamente un mes o proxecto de reforma do Auditorio Municipal, segundo anunciou este mércores o tenente de alcalde, o nacionalista Santi Domínguez. Na presentación do proxecto, no que tamén participou o concelleiro de Cultura, Xesus López precisou que as obras, que contarán cun investimento de 1.385.000 euros, estarán rematadas en sete meses.<br />
venres, 11 xul 2008
Un total de cincuenta obras de pintura de gañadores e finalistas do Premio BMW de Pintura pódense ver na Casa das Artes ata o 10 de agosto.O primeiro galardón outorgouse ao pintor Guillermo Sedano Vivanco <br />
pola obra titulada "Nevada", óleo sobre lenzo, 195x195 cm.
mércores, 9 xul 2008
O xoves, 10 de xullo, ás 21 horas no Museo Verbum proxectarase o telefilme galego "Máis ca irmáns" e ata o 11 de xullo en horario de 10 a 21 horas poderase contemplar unha exposición fotográfica sobre Venezuela.
Poden mercarse en www.servinova.com, no 902 504 500 e na Central de Espectáculos a 10 euros anticipada e 12 o mesmo día
martes, 8 xul 2008
O vindeiro día 22 o grupo Pereza inaugurará o calendario de citas musicais previstas no Auditorio de Castrelos, dentro da programación das Festas de Verán de Vigo elaborado pola Tenencia de Alcaldía e a Concellería de Cultura e Animación Sociocultural. As persoas interesadas xa poden facerse coas entradas para os concertos de Pereza, Roger Hodson e Rubén Blades, que actuarán neste escenario os días 22, 23 e 30 de xullo respectivamente ás 23 horas. As entradas terán un prezo de 10 euros anticipada e 12 euros en taquilla e poden adquirirse en Caixanova, a través da web www.servinova.com e no 902 504 500, ou na Central de Espectáculos.
luns, 7 xul 2008
Do 15 ao 31 de xullo desenvolverase no Verbum os campamentos de verán en horario de 10 a 14 horas e destinado a nenos e nenas de 5 a 12 anos. O prezo é de 1 euro por día e se dispón de 20 prazas por día. <br />
luns, 7 xul 2008
Del 15 al 31 de julio se desarrollará en el Verbum los campamentos de verano en horario de 10 a 14 horas y destinado a niños y niñas de 5 a 12 años. El precio es de 1 euro por día y se dispone de 20 plazas por día. <br />
venres, 4 xul 2008
A rúa do Príncipe (diante do museo Marco) acolle dende mañá e ata o vindeiro 20 de xullo a exposición "Centenario de Curros Enríquez", segundo anunciou este venres o concelleiro de Cultura, Xesus López. O obxectivo da mostra, sinalou o edil do BNG, radica en "achegar a figura do poeta de Celanova á cidadanía no centenario do seu pasamento".
xoves, 3 xul 2008
O grupo de rock Pereza actuará en Vigo o vindeiro día 22 de xullo no Auditorio de Castrelos. Ese foi o acordo ao que o concelleiro de Cultura, Xesús López, chegou está mañá coa promotora responsable do concerto, logo de ter que anunciar un aprazamento debido aos compromisos promocionais do grupo.