A sección "Imaxina na Rúa" do festival de jazz "Imaxina Sons 2008" ábrese esta fin de semana coa actuación do Septeto da ESMAE (Escola Superior de Música e as Artes do Espectáculo) de Oporto, que fará catro "pases" o sábado 7 de maio na zona peonil do O Calvario ( 11:30 h), praza da Independencia (13:30 h), rúa do Príncipe (17:30 h) e Montero Ríos ( 19:30h).
O Día da Muiñeira, que este ano cumpre a súa 38 edición e se celebrará o 14 de xuño xunto ao Ensalzamento do Traxe Galego, contará coa participación de máis de 1.600 persoas, segundo anunciou este venres o concelleiro de Cultura, o Xesus López. A convocatoria deste ano presenta tamén como novidade o cambio de ubicación, xa que a concentración terá lugar ás 18 horas na praza do Rei e o festival celebrarase na Praza de Compostela.
O venres 6 de xuño terá lugar no museo Verbum - Casa das Palabras a XIV edición da xornada de comunicación audiovisual "Ponte...nas Ondas" e da VII Mostra da Oralidade Galego-Portuguesa.Tambén haberá un concerto, ao aire libre, de Luar na Lubre (Galicia), Vozes da Rádio (Portugal) e Socorro Lira (Brasil.
As entradas para o concerto que ofrecerá Estopa en Vigo o 28 de xuño ás 22 horas xa están a venda, mentres que nos vindeiros días tamén sairán a venda as entradas para o concerto de Pereza, que actuará en Vigo o 4 de xullo, segundo anunciou este mércores o concelleiro de Cultura, o nacionalista Xesus López. En ámbolos dous casos os concertos terán lugar no Instituto Feiral de Vigo (Ifevi), e as entradas póñense á venda a través de Caixanova, no teléfono 902.504.500 e na web ww.caixanova.es,<br />
Amosar á cidadanía unha parte notable do seu patrimonio fotográfico, proxectando cara ao exterior o Arquivo Pacheco é un dos obxectivos fundamentais do proxecto "O espello da memoria" inaugurado este martes polo tenente de alcalde, Santi Domínguez, e o concelleiro de Cultura, Xesus López. A iniciativa, da que hoxe foi inaugurado o primeiro panel na Praza da Princesa, consta de trinta monolitos integrados por unha fotografía realizada por Prósperi ou Pacheco e un texto explicativo en galego, castelán e inglés. <br />
Desde o luns2 de xuño póñense á venda as entradas individuais para os concertos que se han celebrar no Centro Cultural Caixanova e no Auditorio do Concello dentro do festival IMAXINA SONS’08 que se celebrará do 26 de xuño ao 6 de xullo.
A Batalla de Flores celebrarase o sábado, día 31 de maio, e partirá ás 19 horas da rúa Venezuela para percorrer Camelias e Álvaro Cunqueiro, e rematar na praza de América.
O Mago Cali estará o 31 de maio, no Auditorio Municipal para presentar a súa obra "Maxia para soñar", no marco da programación estable de teatro para o primeiro semestre de 2008, posta en marcha pola Concellería de Cultura e Animación Sociocultural. A representación, que terá lugar ás 18:00 horas, está dirixida a un público infantil e familiar.
O tenente de alcalde, Santi Domínguez, agasallou a Lenny Kravitz cunha gaita tradicional galega, minutos antes de que o músico arrincara en Vigo a súa xira europea "It is time for a love revolution". O músico americano amosou o seu agradecemento e sorpresa polo obsequio.<br />
"Unha nova era comeza mañá na cidade co gran espectáculo que ofrecerá Lenny Kravitz no Instituto Feiral de Vigo", salientou este xoves o tenente de alcalde, Santi Domínguez, na presentación do concerto do artista estadounidense, na que tamén participaron o representante da promotora que trae a Vigo a Lenny Kravitz e o xerente do Ifevi, Arsenio Iglesias. Na montaxe do concerto, que comezará mañá ás 22 horas, participan arredor de 130 persoas, e conta cunhas cifras técnicas que fan del "un gran espectáculo": 300.000 watios de luz, 120.000 watios de son, un escenario de 18x14 metros con alas para colocar monitores de 4x4 metros, e cañóns de 8 metros de altura. Todo o material suma un total de 18 toneladas, que é transportado en 6 trailers de 16,5 metros e unha autocaravana de 14 metros para o grupo.