venres, 19 feb 2010
Tras reunirse coa súa directora, o alcalde informou dunha proposta avalada por 2.000 sinaturas para ubicar o novo Colexio Altamar nunha parcela baixo o Museo Liste. Caballero pulsará a opinión dos pais, profesorado e veciñanza da zona para coñecer o apoio da alternativa e adoptar unha "decisión inmediata" que solvente o actual problema de espazo do centro. "Urbanísticamente é posible", asegurou o rexedor.
mércores, 17 feb 2010
Abel Caballero acudiu hoxe mércores, xunto a varios membros do goberno local, á apertura da humanizada rúa Estrada, en Coia, unha "actuación profunda" e "especialmente brillante" que forma parte da humanización do barrio vigués. Nas rúas Marín, Baiona, Redondela e a propia Estrada, o Concello investiu 5,4 millóns de euros que xeraron case 150 empregos, dos que 40 procederon das listas do INEM de Vigo. <br />
martes, 16 feb 2010
Desde hoxe ata o 2 de marzo queda aberta ao público a exposición conmemorativa do 25 aniversario da creación das diferentes seccións da Policía Local de Vigo que contribuiron a modernización e eficiencia do citado corpo. O alcalde Abel Caballero participou este martes na inauguración da referida mostra que se atopa nas dependencias do Verbum-Casa das Palabras (Avenida de Samil, 17).
luns, 15 feb 2010
O alcalde, Abel Caballero, informou hoxe luns da aprobación por parte do Goberno de España de oito proxectos presentados polo Concello con cargo ao novo Plan E do Estado. Trátase da humanización dun tramo de Tomás Alonso, Padre Don Rúa, Bolivia, López Mora, Pi y Margall, Santo Domingo, Conde Bárcena, San Salvador e Celso Emilio Ferreiro, que iniciaranse no prazo aproximado de tres meses. O rexedor confiou en que os proxectos restantes sexan validados próximamente.
venres, 12 feb 2010
Abel Caballero entrevistouse hoxe co director rexional do hipermercado, Daniel Rodríguez, e cos responsables dos centros de Coia e da Avda de Madrid, quenes indicaron ao rexedor as renovacións que van executar nos seus dous establecementos. O alcalde incidiu na "situación laboral complicada" na que se atopan os anteriores traballadores de limpeza do Alcampo e urxíu á dirección a solventar o conflicto "o antes posible".
luns, 8 feb 2010
O alcalde mantivo este luns unha reunión co Comité de Empresa dos hospitais Xeral e Meixoeiro sobre o novo hospital de Vigo. Caballero amosou a súa "simpatía e cercanía absoluta" aos traballadores que están a defender a "calidade" da sanidade viguesa. O rexedor reclamou á Xunta un "hospital público de financiamento público" que garanta a "calidade sanitaria" da área viguesa. <br />
venres, 5 feb 2010
Abel Caballero inaugurou este venres o renovado parque de Maruja Mallo, con 80.000 euros de investimento, zona axardinada e novos xogos na zona infantil. O rexedor cifrou en 6 millóns de euros a cantidade que destinará o Concello aos parques infantís en 2010, entre os orzamentos municipais e a achega do Goberno de España. O obxectivo de Caballero pasa por atender a demanda cidadá de facer de Vigo unha "cidade para os pequenos".
mércores, 3 feb 2010
Abel Caballero presidiu este mércores a inauguración das humanizacións das rúas Toledo e Sagunto, no Calvario; unhas melloras que empregaron a 35 persoas e sumaron un investimento de 1,4 millóns de euros. O alcalde apuntou, respecto ás humanizacións, que "imos continuar o proceso nos próximos meses".
mércores, 3 feb 2010
Despois da súa aprobación onte martes polo goberno local, Abel Caballero destacou hoxe do orzamento do Concello para 2010 os 16 millóns de euros destinados ao departamento de Vías e Obras para humanizacións maioritariamente, os máis de 4 millóns de euros para Parques e Xardíns e os máis de 3 millóns para xeración de emprego. O alcalde tamén subliñou o incremento de case un 13% con respecto a 2009 no gasto social.
martes, 2 feb 2010
A Xunta de Goberno Local celebrada este martes aprobou os plans de seguridade e saúde de ambas humanizacións, paso previo ao inicio dos traballos de mellora das rúas. A reforma de Manuel Álvarez suma un investimento de 5,2 millóns de euros e a humanización de Escultor Gregorio Fernández ascende a 1,1 millóns. O goberno local adxudicou asemade o contrato de mantemento dos contedores soterrados da cidade.