mércores, 11 ago 2010
O alcalde de Vigo avanzou este mércores que o prazo de alegacións finalizou o pasado 3 agosto e que está agora pendente da súa publicación no Boletín provincial. Segundo os cálculos do rexedor, o pleno de finais de setembro podería xa rexirse polo novo regulamento. O novo texto supón "máis transparencia, maior democracia e mellor funcionamento" para o Pleno.
mércores, 11 ago 2010
Abel Caballero recibiu na mañá deste mércores a carta que lle remitiu o conselleiro de Educación, Jesús Vázquez, na que propón unha reunión para establecer as pautas comúns de funcionamento. O alcalde respostou afirmativamente á proposta pero insistiu na vontade municipal de manter as instalacións abertas as 24 horas do día.
martes, 10 ago 2010
O alcalde, Abel Caballero, inaugurou este martes xunto co presidente da Mancomunidade de Montes, Doro Piñeiro, unha nova peza ubicada no chan das esculturas, no Alba vigués. A obra, a cargo do artista turco Kemal Tufan, representa un barco viquingo de pedra varado na ladeira e orientado ao cumio do monte.
martes, 10 ago 2010
Tralo incendio rexistrado na tarde onte, no que non houbo danos persoais pero no que os bomberos traballaron a reo para sofocar o lume, Abel Caballero deu instruccións neste martes a Urbanismo para que se poñan en contacto coa promotora e procedan a clausurar todas as vías de aceso ao vello inmoble de Pi y Margall.
luns, 9 ago 2010
Abel Caballero reuníse neste luns co presidente da Asociación de Veciños e a presidenta dos comerciantes e lles aconfirmou que o mercadiño manteráse no seu emprazamento actual, na explanada fronte ao Liceo Marítimo de Bouzas. O rexedor tamén lles transmitiu o estado actual da parcela na que se emprazará o centro de Saúde, xa doada por parte do Concello vigués á Xunta de Galicia
luns, 9 ago 2010
O alcalde de Vigo entrevistouse este luns co presidente do Real Club Celta, Carlos Mouriño, e co director xeral da entidade, Antonio Chaves. Abel Caballero, quen definiu de "moi cordiais e satisfactorias" as reunións periódicas co club, reivindicou a "importancia" de que Vigo conte cun equipo de fútbol na máxima categoría pola proxección que ofrece á cidade en España e, eventualmente, en Europa.
venres, 6 ago 2010
O alcalde de Vigo anunciou hoxe venres a finalización dos traballos de rexeneración da praia de A Punta, en Teis, melloras que rematan hoxe e permitirán a apertura ao público do novo areal desde mañá sábado. Caballero amosouse satisfeito pola actuación xa que "haberá unha gran praia en Vigo" na parroquia de Teis.
xoves, 5 ago 2010
Abel Caballero visitou hoxe xoves os traballos de construcción do aparcadoiro soterrado da Avenida de Castelao, en Coia, e da humanización de máis de medio quilómetro de avenida, melloras que serán inauguradas na segunda quincena de setembro. O alcalde explicou que este mes rematará o acondicionamento da superficie e Urbanismo procederá en setembro á revisión da instalación e á concesión das oportunas licencias previas á apertura definitiva.
mércores, 4 ago 2010
O alcalde, Abel Caballero, e o máximo responsable da Policía Local, Carmelo del Castillo, presentaron este mércores un novo servizo municipal para minimizar o tempo de búsqueda dos país dos nenos extraviados nas praias de Vigo. Trátase dunha pulsera gratuita que os país xa poden solicitar nas casetas da Policía Local e da Cruz Vermella onde figura o nome do neno e un teléfono de contacto.
martes, 3 ago 2010
O alcalde de Vigo visitou hoxe martes os traballos de rexeneración da praia da Punta en Teis, un areal que multiplicará por cinco a súa superficie grazas ao derrubo do muro que o separaba da ETEA. A mellora, que iniciouse onte, alongarase toda a semana e empregará 7.500 toneladas de area procedente da desembocadura do Miño.