Abel Caballero viaxou o pasado mes de novembro de 2008 a Bos Aires, unha viaxe na que interesouse pola Asociación de Mutualistas residentes de Vigo en Bos Aires. Na entrevista, Dolores Cameselle informou ao alcalde das novidades da entidade vencelladas á entidade.
O alcalde e a concelleira de Benestar Social, María Méndez, mantiveron este venres na Alcaldía unha reunión co Director da entidade, Francisco Otero; o Auxiliar psiquiátrico, Antón Bouzas; a enfermeira Mariló Fernández Besada e psicólogo clínico, Jorge Cabrera Riande. O CEDRO celebra este ano o seu 25 aniversario. <br />
O alcalde de Vigo, Abel Caballero, informou hoxe venres da aprobación do proxecto de mellora dos xardíns da parroquia viguesa. A Xunta de Goberno Local deu luz verde á reforma, financiada con cargo o Fondo Estatal para o Emprego e a Sostibilidade Local, que incorporará novas xardineiras e zonas verdes, ademais do acondicionamento dos espazos peonís e rodados próximos ao cemiterio.
Abel Caballero anunciou este venres o inicio dunha rolda de contactos coas empresas para conveniar a posta en marcha de escolas infantís para os fillos do persoal das entidades. O alcalde propón dar "cobertura integral" de garderías na cidade, coa posta en marcha de catro novas o próximo curso e "alo menos" outras catro para 2011. Caballero prevé que en dous anos o número total supere as 1.000 prazas.
Abel Caballero anunciou hoxe xoves que volverá a convocar á Consellería de Sanidade da Xunta de Galicia e á dirección da Cruz Vermella para evitar que Vigo "perda 70 camas de asistencia a enfermos crónicos". O alcalde asegurou que tanto a Xunta como a Cruz Vermella indicáronlle a súa disposición a manter aberto o centro se hai acordo económico.
O alcalde de Vigo recibíu este xoves ao vicario xeral da Diócese Tui-Vigo, Xesús Gago Blanco, quen invitou ao rexedor vigués ao acto de toma de posesión do novo bispo, o monseñor Luis Quinteiro, celebración que terá lugar na Colexiata o próximo domingo, 25 de abril. Caballero resaltou que "estamos presentes en todos os actos que teñen dimensión social e presencia nesta cidade".
Abel Caballero fixo hoxe xoves entrega formal ao embaixador de Nicaragua, Augusto Zamora, de dous vehículos de bombeiros para dous municipios que actualmente carecen deste servizo. Un bombeiro vigués viaxará ao país centroamericano para instruir aos profesionais nicaragüenses no manexo dos coches. "Estamos satisfeitos de contribuir a unha mellor seguridade para os cidadáns dos municipios de Nicaragua", concluíu o alcalde.
Abel Caballero e a máxima responsable do organismo dependente do Ministerio de Vivenda, Nieves Huertas, inauguraron este mércores a nova Oficina de Vivenda de Vigo, ubicada no edificio municipal de Areal. Inquilinos e propietarios poderán informarse das vivendas e servizos que ofrece a Sociedade Pública de Aluguer na Oficina, que tamén atenderá á vivenda protexida que inclúe o Plan Xeral de Vigo.
O alcalde acudiu hoxe a sede do Ministerio de Industria en Madrid para reunirse co Secretario de Estado de Enerxía para poñer os cimentos da implantación do proxecto no que Vigo será a cidade piloto do coche eléctrico. Abel Caballero é o primeiro alcalde que recibe o Secretario de Estado para abordar este tema.
Abel Caballero visitou este martes os traballos de humanización das rúas Regueiro e Tarragona, no entorno de POVISA, que suman un investimento municipal de 1,3 millóns de euros e darán cabida a medio centenar de árbores, novos puntos de luz, bancos e a renovación das redes de servizo soterradas. A reforma das dúas rúas -que estará rematada en tres ou catro meses- completa a humanización de "todo o que queda entre Regueiro e a Praza de España", indicou o alcalde.